Խանութներում 24 կարատ ոսկուց կոշիկ է հայտնվել
17:15 24 հունիսի, 2013Ոսկուց աշխարհում առաջին կոշիկը վաճառվում է Արաբական Միացյալ Էմիրությունների աշխարհահռչակ «The Dubai Mall» առեւտրի կենտրոնում:
Ըստ Emirates 24/7-ի, արտասովոր կոշիկի հեղինակ, իտալացի հայտնի դիզայներ Ալբերտո Մորետտին նորաձեւության սիրահար աղջիկներին հնարավորություն է տվել ձեռք բերել բարձրակրունկ ոսկե կոշիկներ: Իսկ նորաձեւության հանդեպ թուլություն ունեցող տղամարդիկ կարող են գնել 24 կարատ ոսկուց ոտնաման: Նման կոշիկների մեկ զույգն արժե 2670 դոլար:
Հարկ է նկատել, որ չնայած աստղաբաշխական գնին, ոսկե կոշիկների դիզայնը պարզ է: Մորետտիի խոսքով, նման ազնիվ նյութի պարագայում, ինչպես ոսկին է, լրացուցիչ ձեւավորման կարիք չկա: Այն արդեն շքեղ է, այդ պատճառով կոշիկները ստեղծվել են դասական ոճով: