Գեղեցկության թագուհուն զրկել են տիտղոսից հղիության պատճառով
17:09 17 ապրիլի, 2019«Միսս Բոլիվիա 2018» մրցույթի հաղթող 22-ամյա Ջոյս Պրադոն հրաժարվել է տիտղոսից՝ մայրության բերկրանքը զգալու համար։ Երկրի գլխավոր գեղեցկուհին հայտարարել է հղիության մասին։
Ջոյսը լուսանկար է հրապարակել, որում պատկերված է ընկերոջ՝ Ռոդրիգո Հիմենեսի հետ։ Սիրահարները նայում են նորածնի համար նախեստված հագուստին, որը մոդելի ձեռքին է։ Բլոգի ընթերցողներին ուղղված հրապարակման մեջ «Միսս Բոլիվիան» նշել է, որ անցնում է իր կյանքի աամենակարեւոր հատվածին. ընտանիքը սպասում է երեխայի ծնունդին։
«Ուզում եմ ձեզ հետ կիսվել փաստով, որ ես աշխարհի ամենաերջանիկ կինն եմ, քանի որ իմ կյանքը լի է սիրով. իմ երազանքների տղամարդու հետ սկսում ենք մեր հարաբերերությունների ամենահիասքանչ հատվածը»,- Instagram-ում գրել է Պրադոն։ Զույգը շուտով պատրաստվում է ամուսնանալ։
«Միսս Բոլիվիա» մրցույթի կանոնները մի շարք խիստ սահմանափակումներ ունեն, որոնց մի մասը վերաբերում է անձնական կյանքին։ Բոլոր մասնակիցները պետք է ամուսնացած չլինեն եւ չունենան երեխաներ։ Այս կանոնն ուժի մեջ է նաեւ հաղթանակից հետ մեկ տարվա ընթացքում, մինչ հաղթողը մրցույթը ներկայացնում է տարբեր բարեգործական միջոցառումներին։
Նույնպիսի կանոններ են սահմանված նաեւ մրցույթներում, որոնց ընթացքում ընտրվում է յուրաքանչյուր երկրի ամենագեղեցիկ աղջիկը։ Տիտղոսի համար պայքարել ցանկացողները հայտարարություն են ստորագրում, որում համաձայնում են կանոններին։
