Հայաստանի նախագահ Արմեն Սարգսյանը Երեւանում հանդիպել է շոումեն Գարիկ Մարտիրոսյանի հետ։ Հանդիպման մասին հայտնում են նախագահի Instagram-ի պաշտոնական էջը, ինչպես նաեւ հումորիստն իր միկրոբլոգում։
«Հյուրընկալել եմ հայտնի հումորիստ եւ հեռուստահաղորդավար Գարիկ Մարտիրոսյանին»,- նշված է Սարգսյանի էջում։
Լուսանկարում Մարտիրոսյանը Հայաստանի զինանշանի պատկերով գլխարկ է կրում, որով հաճախ է ներկայանում Արմեն Սարգսյանը։ Հետաքրքիր է, որ նախագահը գիտի՞, որ հումորիստի կինը՝ Ժաննա Լեւինան, Ուկրաինայում Զելենսկու օրինակով Գարիկին «տեսնում է» Հայաստանի նախագահի պաշտոնում։