Հայտնի է, թե որտեղ է բեղմնավորվել արքայազն Հարրիի եւ Մեգան Մարքլի երեխան
23:33 19 ապրիլի, 2019Վստահ են, որ գեղեցիկ եւ ռոմանտիկ այս վայրը՝ Քլայվդեն պալատը, որտեղ այժմ տեղակայված է հինգաստղանի հյուրանոց, հենց այն վայրն է, որտեղ բեղմնավորվել է Մեգան Մարքլի եւ արքայազն Հարրիի առաջնեկը։ Հենց այտեղ է հարսանիքից առաջ գիշերել աստղային զույգը։ Ինչպես պնդում է հյուրանոցի աշխատակազմը, նախկին դերասանուհին միանգամից սիրահարվել է շքեղ հյուրանոցին, որում մեկ գիշերակացն արժե 500 ֆունը ստերլինգ։
«Հարրին ու Մեգանը հարսանիքից հետո ռոմանտիկ ժամանցի համար միշտ վերադառնում են Քլայվդեն», - ասում է զույգին մոտ կանգնած աղբյուրը։ Անցած ամռանն ու աշնանը նրանք մի քանի օր անցկացրել են այստեղ։ Հյուրանոցի ահռելի չափսերը թույլ են տալիս թագավորական ընտանիքի ներկայացուցիչներին բոլորի աչքից հեռու հանգստանալ։
«Նրանք հաճախ Cliveden House կոչվող քոթեջում են կանգ առնում։ Մնացած հաճախորդները նույնիսկ չեն կռահում, որ նրանք այնտեղ եղել են։ Մեկ անգամ ֆիթնեսով զբաղվող կանայք զարմացել են, երբ դքսուհին անցել է նրանց կողքով», - գրում է Mirror-ը՝ հղում կատարելով աղբյուրին։
Հյուրանոցի աշխատակազմը վստահ է, որ Մեգանի եւ Հարրիի երեխան բեղմնավորվել է Քլայվդենում։ Նրանք թագավորական ժառանգին Քլայվ անունն են տվել։ Նրանք որոշել են, որ տղա է ծնվելու։
Քլայվդենը պալատ է, որը գտնվում է Թեմզայի ափին՝ Բաքինգեմշիրում։ Այն կառուցվել է 1850-ական թվականներին դուքս Սազերլենդի կողմից։ Ավելի ուշ այն գնել է ամերիկացի լորդ Աստորը, որը տեղանքը վերանորոգելու համար մի ամբողջ կարողություն է ներդրել։
Լուսանկարը՝ Legion-media,Instagram