31-ամյա Ռիհաննան «Vogue» ամսագրի ավստրալական տարբերակի նոր համարի աստղն է։ Երգչուհին ամսագրի մայիսյան համարի շապիկին հայտնվել է վարդագույն մետաքսյա ներքնազգեստով։ Երգչուհին ուսերին բեժ եւ կապույտ վերարկու է գցել։ Վառ կերպարն ամբողջացրել են զմրուխտյա բարձրակրունկ կոշիկները եւ խոշոր ականջօղերը։
Մյուս կերպարները եւս պակաս պրովոկացիոն չեն։ Ռիհաննան վերնազգեստը համադրել է սեփական Savage x Fenty ապրանքանիշի ներքնազգեստի հետ։ Երգչուհին կրել է նաեւ շագանակագույն կաշվե շրջազգեստ եւ գործած տոպ։ Լուսանկարների հեղինակը բրիտանացի լուսանկարիչ Ջոշ Օլինսն է։
Երկրպագուները գնահատել են համարձակ կադրերը։ Նրանց մի մասը նշել է, որ Ռիհաննան նկատելիորեն նիհարել է։ Շատերը նաեւ խոստովանել են, որ չեն կարողանում սպասել երգչուհու նոր ալբոմի թողարկմանը։
Աղբյուրը՝ Cosmopolitan