Ամերիկացի դերասան Ջոնի Դեփը հանդիպում է ռուս պարուհի Պոլինա Գլենի հետ։ Ըստ «Դեյլի Մեյլ»-ի ՝ արտիստը նույնիսկ պատրաստվում է ամուսնանալ նրա հետ։
Հրատարակությունը տեղեկություն ունի, որ Դեփը եւ Գլենը ծանոթացել են 2018թ.-ին՝ Լոս Անջելսում երեկույթի ընթացքում։ Աղջիկը հանգստանալիս է եղել եւ չի ճանաչել Դեփին, երբ վերջին մոտեցել է՝ նրա հետ ծանոթանալու նպատակով։
«Նա իրավաբանական խնդիրներ է ունեցել նախկին կնոջ հետ, իսկ այստեղ հանդիպել է գեղեցիկ, երիտասարդ ռուս պարուհու, որը նույնիսկ չի իմացել՝ ով է նա»,- մանրամասներ են հայտնել աղջկա ընկերները։ Նրանք նաեւ պատմել են այն մասին, որ դերասանը պատրաստվում է Ռուստաստան գալ՝ սիրելիի ծնողների հետ ծանոթանալու եւ նրան առաջարկություն անելու համար։
Պոլինան Սանկտ Պետերբուրգից ԱՄՆ է տեղափոխվել երկու տարի առաջ։ Ռուսաստանում նա աշխատել է որպես պարուհի եւ խորեոգրաֆ։
2015թ.-ի փետվարվարից մինչեւ մաիս ընկած ժամանակահատվածում Ջոնի Դեփն ամուսնացած է եղել դերասանուհի Էմբեր Հերդի հետ, որը խանաձեռնել է ամուսնալուծությունը՝ հայտարարելով, որ ամուսինը բռնություն է գործադրել իր նկատմամբ։ Դեփը չի ճանաչել իր մեղքը եւ հայց ներկայացրել կնոջ դեմ՝ 50 մլն դոլար պահանջելով հոդվածի համար, որում դերասանուհին իրեն «ընտանեկան բռնության զոհ» է համարել։ Ի պատասխան դերասանուհին նոր մեղադրանքներ է ներկայացրել եւ հայտարարել, որ դերասանը, գտնվելով ալկոհոլի եւ թմրամիջոցների ազդեցության տակ, քարշ է տվել իրեն՝ մազերից բռնած եւ խեղդել։