Մի քանի տարի շարունակ Անջելինա Ջոլիի երկրպագուներն ուշադրությամբ հետեւում էին նրա անձնական կյանքին. նա մեծ աղմուկով ամուսնալուծվել է Բրեդ Փիթից, ում հետ կիսում էր ունեցվածքը եւ երեխաներին։ Այժմ արդեն երկրպագուների մոտ հարց է առաջանում, թե ինչու է նա կտակ գրել, ավելի ճիշտ հետաքրքրում է հարցը, թե ինչու հենց հիմա։
Պարզվում է՝ հոլիվուդյան 42-ամյա դերասանուհին առողջական խնդիրներ ունի։ Vanity Fair-ի լրագրողների հետ զրույցում դերասանուհին հիշեցրել է, որ լավ ինքնազգացողության համար մշտական պայքարի արդյունքում կաթված է տեղի ունեցել, որի արդյունքում մկանները դադարում են ենթարկվել եւ կարծես թմրում են։ Ինչպես նշում է աստղը, ակուպունկտուրան օգնել մի փոքր «կենդանացնել» դեմքը, եւ ընդհանուր առմամբ բժիշկները դրական արդյունք են խոստանում։
Ընդ որում, դեմքի կաթվածը կարող էր կաթնագեղձերի եւ ձվարանների հեռացման արդյունք լինել, որոնց աստղը ենթարկվել է մի քանի տարի առաջ օնկոլոգիական հիվանդությամբ հիվանդանալու վախի պատճառով։ Հիվանդությունների դեմ մշտական պայքարի պատճառով Ջոլիի մոտ նկատվել են նաեւ անառողջ լինելու այլ նշաններ, մաշկը դարձել է չոր, բազմաթիվ սպիտակ մազեր են հայտնվել։ Դերասանուհին կարծում է, որ շուտով ստիպված կլինի երկարատեւ բուժման կուրս անցնել։