Իսկական ընկերության հինգ նշան

1. Ձեզ ընդունում են, անգամ՝ թերություններով

Չեն փորձում ձեզ փոխել. ընդունում են այնպես, ինչպես կաք՝ ձեր լավագույն հատկություններով ու թերություններով: Դա չի նշանակում, որ նրանք պետք է համաձայնեն ամեն ինչի հետ, ինչ դուք ասում կամ անում եք, բայց ձեր անհատականությունն անձեռնմխելի է: Միլիարդավոր մարդկանց մեջ կա այն միակը, որը տեսնում է դրականը, երբ անգամ դուք ի վիճակի չեք դրան:

2. Միասին՝ թե ուրախության, թե տխրության պահին

Հենց դրանով է տարբերվում իսկական ընկերը կեղծից: Իսկական ընկերը երբեք ձեզ միայնակ չի թողնի ձեր խնդրի հետ: Կեղծ ընկերները միշտ ձեր կողքին են, երբ գործերը լավ են եւ անհետանում են, երբ ինչ-որ բան այնպես չի լինում:

3. Ձեր հաջողությունները նրանց ավելի շատ են ուրախացնում, քան հենց ձեզ

Ոչ իսկական ընկերը սկսում է նախանձել, երբ դուք հաջողում եք, իսկ իրական ընկերներն արդեն մտածում են հաջորդ նպատակների ու հեռանկարի մասին: Ուշադիր եղեք ձեր շրջապատի նկատմամբ, հատկապես, երբ նոր բարձունքների եք հասնում ձեր կյանքում:

4. Նրա հետ հարմարավետ է, նրանք ձեր կողքին են՝ անգամ ձեր գաղտնիքներն իմանալուց հետո

Ամենամեծ գաղտնիքներն, ամենահամարձակ երազանքները վստահում են ինտուիցիայով ընտրված մարդկանց: Նրանք գիտեն անձնական կյանքի մանրամասները, մանկության հիշողությունենրը եւ զվարճալի պատմությունները: Նրանք ձեզ գիտեն մինչեւ ուղնուծուծը, եւ միայն արտաքինի վրա չեն կենտրոնանում:

5. Նրանք ձեր կողքին են, անգամ կես տարվա լռությունից հետո

Ձեզ հարկավոր չէ ամեն անգամ հանդիպման համար զանգել կամ գրել: Նրանք նույնպես հանդիպում են նախաձեռնում ձեզ հետ՝ հավասար ջանքեր են դրվում ընկերությունը պահպանելու համար: Նրանք ձեզ հետ խոսում են ոչ միայն երբ հարմար է, այլ որովհետեւ իսկապես հոգ են տանում ձեր մասին եւ ուզում են ձեր կյանքի մասը լինել:

Աղբյուրը՝ Klubber.ua