Ինչպես են Քիմ Քարդաշյանին «տեղավորել» թաց զգեստի մեջ, եւ շաբաթվա ընթացքում քանի օր է մարզվում աստղը (վիդեո)

Met Gala-ն նշանավորվեց տարօրինակ, երբեմն վայրի, վառ սանրվածքներով եւ դիմահարդարմամբ։ Եվ ո՞վ կարող էր մտածել, որ երեկույթի մասնակիցները անհանգստանում են, ինչպես երեխաները առավոտյան ներկայացումից առաջ։ Ամեն դեպքում, Քիմ Քարդաշյանը, որը Thierry Mugler-ի «թաց» զգեստով մեծ աղմուկ է բարձրացրել, Vogue-ի նկարահանող խմբին տված հարցազրույցում խոստվանել է, որ անհանգստանում է գրեթե ինչպես ամուսնությունից առաջ։  

Ի դեպ, Vogue-ի թիմը նկարահանել է Քիմի նախապատրաստության ամբողջ ընթացքը՝ սկսած փորձից մինչեւ Met Gala։ Նկարահանման ընթացքում նա խոստովանել է, որ այսպիսի բարձր պրոֆեսիոնալիզմ, ինչպիսին ունեն Thierry Mugler-ի աշխատակիցները, չէր կարող անգամ պատկերացնել։ Եվ, իրոք, կադրերում երեւում է՝ ինչպես են ոճաբաններն օգնում նրան «խցկվել» սիլիկոնային զգեստի մեջ, նրան պատմում՝ ինչից է այն բաղկացած, ինչպես ճիշտ կրել, ընտրում են կոշիկները, դիմահարդարումը, «թաց» սանրվածք անում։ Քիմ Քարդաշյանը չի դադարում գովել «օգնականներին»՝ նշելով, սակայն, որ այս զգեստով զուգարան գնալը չափազանց բարդ կլինի։ «Ես ստիպված եմ համբերել չորս ժամ։ Նյարդային է... Այնպես որ ինձ հաջողություն մաղթեք»,- ասել է նա։  

Ի դեպ, Քիմ Քարդաշյանի չափազանց բարակ գոտկատեղի եւ մեծ նստատեղի մասին բացասական մեկնաբանություններին պատասխանել է նրա անփոխարինելի մարզիչը՝ հայտնի Մելիսա Ալկանտարան։

«Ի գիտություն բոլոր ատողներին. Քիմը մարզվում է շաբաթվա ընթացքում վեց անգամ, մարզվում է վաղ առավոտից։ Եվ ես թքած ունեմ նրա մարմնի մասին ձեր կարծիքի վրա։ Ես նրան տեսնում եմ ամեն առավոտ, տեսնում եմ՝ ինչպես է նա ջանում, որքան է աշխատում ոչ միայն մարզասրահում, եւ դա գովասանքի է արժանի»,- գրել է Ալկանտարան։

Գլխավոր լուսանկարը՝ GILBERT CARRASQUILLOGETTY IMAGES