Օդրի Հեփբերնի որդին Արիանա Գրանդեին մեղադրել է պլագիատի մեջ
16:13 13 մայիսի, 201925-ամյա Արիանա Գրանդեն դարձել է Givenchy-ի դեմքը եւ լուսանկարվել ֆրանսիական ապրանքանիշի ֆոտոշարքում։ Երգչուհին լուսանկարվել է մեջքի հատվածում բացվածք ունեցող զգեստով, ինչպես Օդրի Հեփբերնը «Նախաճաշ Թիֆանիի մոտ»-ի ֆիլմում։ Այս գաղափարը դուր չի եկել հայտնի դերասանուհու 58-ամյա որդուն։
Посмотреть эту публикацию в Instagram
Շոն Հեփբերն Ֆերերը խոստովանել է, որ նոր գովազդային արշավը շփոթեցրել է իրեն։ Նա մի կողմից գոհ է, որ ապրանքանիշը հարգել է իր մոր հիշատակը, մյուս կողմից զայրացած է պլագիատի պատճառով։ «Արիանայի թիմը կարող էր ավելի հնարամիտ լինել եւ ինչ-որ յուրօրինակ բան մտածել։ Եթե կարողանայի, նրանց կհեռացնեի աշխատանքից։ Ամենն, ինչ նրանք կարողանում են, Արիանային ինչ-որ մեկին նման դարձնելն է»,- հայտարարել է Շոնը։
Կինոպրոդյուսերը նշել է, որ Օդրի Հեփբերնը եւ Givenchy-ն մշտապես հոմանիշներ կմնան. դերասանուհին եւ Յուբեր դե Ժիվանշին ոչ միայն համագործակցել են, այլեւ ապրանքանիշը միասին ստեղծել։ Դերասանուհու որդին կարծում է, որ Գրանդեի PR-ով զբաղվողները բաց են թողել ապրնքանիշի հետ համագործակցության ընթավքում երգչուհու սեփական ոճը ստեղծելու հնարավորությունը։ «Օդրիի հետեւից կրկնելու փորձի փոխարեն նրանք կարող էին ընդգծել անհատականությունը»,- ասել է Շոնը։
Արիանա Գրանդեն չի թաքցնում իր սերը «Նախաճաշ Թիֆանիի մոտ»-ի ֆիլմի հանդեպ։ Աստղը դաջվածք է արել ֆիլմից արտահայտության տեսքով եւ դրա անունը ներառել իր 7 Rings հիթի տեքստում։
Աղբյուրը՝ Cosmopolitan
Լուսանկարները՝ Legion-media