Քայլի Ջենները բյութի-սկանդալին կրքոտ լուսանկարով է արձագանքել
11:13 18 մայիսի, 201921-ամյա ռեալիթի շոուի աստղ, միլիարդատեր Քայլի Ջեններն իր Instagram-ում բնության գրկում տեղի ունեցած քնքուշ ֆոտոշարքից նոր լուսանկար է հրապարակել։ Երիտասարդ մայրիկը համարձակ կերպով ցուցադրել է կազմվածքը։ Նոր կադրում նա կրում է բոդի։ Քայլին նստած է փայտե արկղերի վրա։
.jpg)
Քայլին լուսանկարը մեկնաբանել է՝ ակնարկելով իր Kylie Skin բրենդի հետ կապված օրերս տեղի ունեցած բյութի-սկանդալին։ «Հանգստություն պահպանեք», - գրել է մոդելը։
Մայիսի սկզբին Քայլի Ջենները թողարկել է կոսմետիկայի նոր հավաքածու։ Սակայն որոշ միջոցներ քննադատության են արժանացել։ Փորձագետները Walnut Face Scrub դեմքի սկրաբը համարել են վտանգավոր։ Սկրաբի բաղադրության մեջ է մտնում ընկույզ, որը կարող է լուրջ վնաս հասցնել դեմքի մաշկին։ Նրանց խոսքով՝ ընկույզի կեղեւի կոշտ մասերը մաշկի մեկերեսին միկրոճաքեր են առաջացնում՝ բակտերիաներին հնարավորություն տալով մուտք գործել ավելի խորը շերտեր։
«Ու թեեւ հրաշալի միջոց է մաշկի մեռած բջիջներից ազատվելու համար, ուժեղ թեփոտող միջոցները կարող են ի վերջո վնասել այն»,- ասել է մաշկի խնամքի ոլորտի փորձագետ Ռոս Փերին։