Պոտապն ու Կամենսկիխն այսօր հարսանիք կանեն (ֆոտո, վիդեո)

Հայտնի արտիստներ Պոտապի եւ Նաստյա Կամենսկիխի ամուսնության մասին լուրերը հաստատվել են. այսօր այն կնշվի Կիեւի մերձակայքում գտնվում շքեղ ռեստորանում։ Թե օրը, թե վայրը հաստատել են հաստատության մի քանի մատուցողներ, ուր պատրաստվում են տարվա երաժշտական հարսանիքին, փոխանցում է ТСН-ը։ Նախօրեին ռեստորանի ամառային հատված են բերվել տեխնիկա, ծաղիկներ, եւ պատրաստությունն ընթանում էր ամբողջ թափով։

Այսօր Պոտապը սրտառուչ սեր է խոստովանել Նաստյային։ Արտիստը թողարկել է «Константа» երգը, որը նվիրել է Կամենսկիխին։ Սիրո պատմության ոճով տեսահոլովակը YouTube-յան ալիքում թողարկվել է զույգի համար այդ կարեւոր օրը՝ հարսանիքի օրը։

«Շատերն են հարցնում՝ ինչու էինք մենք այդքան երկար ժամանակ թաքցնում ամեն ինչ, եւ այստեղ առկա են բոլոր հարցերի պատասխանները։ Սա յուրօրինակ խոստովանություն է՝ ամենաանկեղծ բանը, որը ես երբեւէ գրել եմ։ Ես այն երգ, թրեք, սինգլ չէի անվանի, թեեւ այն կդառնա ПТП-ի նոր ալբոմի մասը։ Սրանք իմ զգացմունքներն են, իմ հոգու եւ իմ սրտի մի մասը։

«Константа»-ն տղամարդու անկեղծ խոստովանություն է իր կնոջը։ Խոստովանություն իմ աղջկան՝ Նաստյա Կամենսկիխին, որին ես սիրում եմ եւ ում հետ այսօր ամուսնանում եմ։ Սա լիրիկա է ամենակարեւորի մասին՝ մեր գալակտիկաների, սիրո մասին»- Պոտապի խոսքերը մեջբերում է «MOZGI Entertaiment», պրոդյուսերական կենտրոնի մամուլի ծառայությունը, որը հիմնվել է արտիստի եւ նրա նախկին կնոջ կողմից։