«Բրիտանիայում տաղանդներ կան». ակրոբատ Վարդանյան եղբայրներին մեղադրում են կենդանիների հանդեպ դաժան վերաբերմունքի համար

«People for the Ethical Treatment of Animals» («Մարդիկ` հանուն կենդանիների հանդեպ էթիկական վերաբերմունքի») ամերիկյան կազմակերպության բրիտանական գրասենյակը նամակ է ուղարկել «Բրիտանիայում տաղանդներ կան»  («Britain’s Got Talent -19») շոուի խմբագրություն՝ նպատակ ունենալով հայ ակրոբատ եղբայրներին՝ Վարդանյաններին, թույլ չտալ հնարքների ընթացքում կենդանիների օգտագործել, հայտնում է The Independent-ը։

Կազմակերպությունը հիշեցրել է, որ ակրոբատները Սոչիում բազմաթիվ անգամներ հնարքներ են ցուցադրել հատուկ վարժեցված կենդանիների մասնակցությամբ։ PETA-ի պահանջներին  ի պատասխան Վարդանյան եղբայրներին մոտ կանգած աղբյուրը հայտարարել է, որ Գեւորգ եւ Անդրանիկ վարդանյանները երբեք ներքաշված չեն եղել գործողություններում, որոնք կարող են դիտարկվել որպես ծաղր կենդանիների հանդեպ։ «Նրանք չէին ցանկանա, որ ինչ-որ մեկն այլ կերպ մտածեր»,- պարզաբանել է աղբյուրը։

Բրիտանական Got Talent-ը եւս հայտարարություն է տարածել, որում հերքում է բոլոր հայտարարություններն այն մասին, որ Վարդանյան եղբայրները ծաղրել են կենդանիներին։

Ակրոբատ եղբայրները հանդես են եկել բրիտանական հայտնի Britain's Got Talent նախագծի երկրորս կիսաեզրափակչում եւ գրավել հանդիասատեսին։ Հեռուսանախագծի եզրափակչը տեղի կունենա հունիսի 2-ին։