Միասին գունավորում եւ բացահայտում ենք Երեւանը․ Pes-Pes-ը երեխաների եւ մեծերի համար (ֆոտո)

16:16   1 հունիսի, 2019

Երեւանի հանդեպ սիրո մասին կարելի է անվերջ խոսել, սրտագին գրառումներ կատարել, կենացներ ասել, կարելի է նաեւ վերցնել ու օգտակար մի բան անել նրանց համար, ովքեր ապրում ու մեծանում են այս քաղքում։ Նրանց համար, ովքեր ցանկանում են ավելի լավ իմանալ, սովորել քաղաքը զգալ եւ հականալ․․․

Դատելով այս ամենի մասին, Յանա Բաբաջանյանը որոշել եւ ստեղծել է Pes-Pes նախագիծը․ Երեւանի քարտեզը՝ հետաքրքիր հանձնարարությամբ եւ տեսարժան վայրերով, որոնք կարող եք գունավորել  ձեր ճաշակով։ Ինչպես նաեւ համանման գունազարդման գրքեր՝ երեք լեզուներով եւ բացատրական տեքսով։

Ավելի ճիշտ, Pes-Pes-ի ձեւաչափով քաղաքը կարելի է ներկել ժամերով՝ուսումնասիրելով մայրաքաղաքը, կարդալով հետաքրքիր փաստեր դրա պատմության, արձանների մասին, եւ, վերջապես հանգստանալ։ Քանի որ գունազարդումը հանգստացնում է, անգամ եթե 30-ից բարձր տարիքի եք։

Յանա Բաբաջանյանը NEWS.am STYLE-ի հետ զրույցում պատմել է, որ ծնվել եւ մեծացել է Թբիլիսիում, հարազատ Երեւանի մասին քիչ բան գիտեր, քանի որ ինֆորմացիա չէր կարողանում գտնել։ Սակայն շատ էր ցանկանում։ Այսպես էլ ծնվեց  Pes-Pes-ի գաղափարը, որի նպատակն է օգնել երեխաներին եւ նրանց ծնողներին, որպեսզի Երեւանի հետ ծանոթանան քաղաքի ողջ հմայքով։

Մի խոսքով, Երեխաների պաշտպանության միջազգային օրվան նվիրված հիանալի նվեր է։ Եվ այսօր Ազատության հրապարակումբոլոր ցանկացողները կարող են օգտագործել իրենց երեւակայությունը եւ Երեւանը կարող է ավելի գեղեցկանալ:

Հնարավոր է այս զբաղմունքը երեխաներից ոմանց համար այնքան հարազատ լինի, որ ապագայում մեր քաղաքապետարանը համալրվի իրականում հիանալաի դիզայներներով․․․ Եթե նույնիսկ սա միայն հոգու համար է, ապա հիանալի հնարավորություն ունենք դաստիարակել հիասքանչ, հարազատ Երեւանը սիրող սերունդ։

Այսպիսի ծրագիրը հավանության կարժանանա նաեւ արտասահմանում ապրող մեր հայրենակիցների համար, չնայած հեռվից, բայց կարելի է ծանոթանալ պատմական հայրենիքի մայրաքաղաքի հետ։ Եկեք բոլորս միայն այն գունավորենք։



© NEWS.am STYLE