Ջեյ Զին դարձել է պատմության ընթացքում առաջին միլիարդատեր ռեփերը

13:06   4 հունիսի, 2019

Ամերիկացի ռեփեր Ջեյ Զին դարձել է առաջին հիփ-հոփ արտիստը, որի ունեցվածքը գերազանցել է մեկ միլիարդ դոլարը, գրում է Forbes-ը։

Վերլուծելով արտիստի մասնաբաժինները տարբեր ընկերություններում, անշարժ գույքը, արվեստի գործերը, ինչպես նաեւ եկամուտները երաժշտական բիզնեսից՝ փորձագետները հանգել են եզրակացությանը, որ 1996թ.-ին ռեփերի առաջին ալբոմի թողարկումից հետո նրա ունեցվածքը հասել է մեկ միլիարդ դոլարի։ Եվ դա, ինչպես գրում է հրատարակությունը, «առանց միջոցների, որոնք նախանշված են արտիստի կենսակերպի համար»։

Картинки по запросу jay z getty

Ջեյ Զիի ամենաեկամտաբեր բիզնեսը կարելի է համարել  «Armand de Brignac Champagne» շամպայնի ապրանքանիշում ունեցած մասնաբաժինը՝ 310 մլն դոլար։ Եվս 220 մլն դոլար նրան բերում են ներդրումները տարբեր ընկերություններում, այդ թվում Uber-ում։ Երրորդ հորիզոնականում արտիստի «D"Ussé» կոնյակի ապրանքանիշն է, որը ստեղծվել է սպիրտի արտադրության հսկաներից մեկի՝ Bacardi ընկերության հետ։ Նույնքան է գնահատվում նրա մասնաբաժինը Tidal ծառայությունում։

Ռեփերի պատկառելի ունեցվածքի մնացած մասը ներառում են նրա կողմից հիմնադրված Roc Nation զվարճանքի ընկերությունը, սեփական երաժշտական կատալոգը, 70 մլն դոլար արժողությամբ արվետի գործերի հավաքածուն ու անշարժ գույքը։

Ջեյ Զին ռեփեր Շոն Քորի Քարթերի բեմական անունն է՝ ժամանակակից հիփ-հոփ երաժշտության ամենաազդեցիկ եւ հարուստ գործիչների մեկը։ ԱՄՆ ամենահայտնի երգչուհիներից մեկի՝ Բեյոնսոի ամուսինը, «Գրեմմի»-ի բամզակի մրցանակակիր է, իսկ 2018թ.-ին գլխավորել է հիփ-հոփ ոճում ստեղծագործող ամենաբարձր վարձատրվող երաժիշտների ցանկը Forbes-ի վարկածով։

Լուսանկարները՝ Getty Images



© NEWS.am STYLE