ԱՄՆ նախագահ Դոնալդ Թրամփի կնոջը՝ Մելանյա Թրամփին քննադատել են արեւային ակնոցի համար, որը նա կրել է միջոցառման ընթացքում, որը նվիրված էր Նորմանդիայում դաշնակից զորքերի ափհանման 75-ամյակին։
Մելանյան ամուսնու հետ Նորմանդիա է ժամանել՝ պաշտոնական արարողությանը մասնակցելու համար։ Նա միջին երկարության սեւ զգեստ էր ընտրել եւ արեւային ակնոց։ Քանի որ առաջին տիկինը մոռացել է հանել ակնոցը, համացանցի օգտատերերը նրան մեղադրել են կոպիտ քայլի եւ վետերանների նկատմամբ անհարգալից վերաբերմունքի համար։
«Մելանյան կրկին ժամանակ չի գտել հանել ակնոցը պետական օրգհներգի կատարման ընթացքում։ Նույն կերպ նրա փոխարեն կարող էր երկվորյակը գալ։ Ոչ ոք ոչինչ չէր հասկանալ», «Ինչո՞ւ Մելանյա Թրամփը չի հանել արեւային ակնոցը հանդիսավոր արարողության ընթացքում։ Այնքան անհարգալից է։ Տիկին Մակրոնը ակնոց չի կրել։ Նա պարզապես չի կարող նայել մարդկանց աչքերին։ Նրան թվում է, թե շամպայն է խմում ֆրանսիական գետերից մեկի վրա»,- մեկնաբանություններում գրում են զայրացած օգտատերերը։
Հանդիսավոր արարողություններ տեղի են ունեցել Մեծ Բրիտանիայում եւ Ֆրանսիայում։ Օրվա առիթով հավաքվել են 16 երկրների ներկայացուցիչներ, այդ թվում Կանադայի վարչապետ Ջասթին Թրյուդոն, Ֆրանսիայի նախագահ Էմանուել Մակրոնը եւ Գերմանիայի կանցլեր Անգելա Մերկելը։
Աղբյուրը՝ Lenta.ru