«Ինչպե՞ս չեք ամաչում». Չումակովը փորձում է զբաղեցնե՞լ Մարտիրոսյանի կնոջ տեղը

Ռուսաստանում հայտնի հումորիստ Գարիկ Մարտիրոսյանի կինը՝ գրող Ժաննա Լեւինան, երգիչ Ալեքսեյ Չումակովին «մեղադրել է» ստի ու իր տեղը գրավելու ցանկության մեջ։

Instagram-յան էջում հարցերի միջոցով երկրպագուները Չումակովից հետաքրքրվել են. «Ձեր հումորը նման է Մարտիրոսյանի կնոջ հումորին, դա վարակի՞չ է»։ Ի պատասխան երգիչը կատակել է. «Չեմ կարծում, թե դա վարակիչ է։ Պարզապես հենց ես եմ Մարտիրոսյանի կինը»։ Սրան միանգամից արձագանքել է Լեւինան, որը Չումակովին ամոթանք է տվել ստելու համար։

«Ալեքսեյ, ինչպե՞ս չեք ամաչում մարդկանց մոլորության մեջ գցել։ Դուք Մարտիրոսյանի կինը չեք։ Դուք, իհարկե, գեղեցիկ ու խարիւզմատիկ մարդ եք, բայց դա Ձեզ Գարիկի կինը լինելու իրավունք չի տալիս. Դուք չեք կարողանում տոլմա պատրաստել, լվանալ, մաքրել եւ ծննդաբերել։ Իմացեք ձեր տեղը... Ձեր տեղը բեմում է, իմը՝ գազօջախի մոտ։ Եվ Աստված չտա, մենք փոխվենք տեղերով։ Չէ՞ որ ես երգում եմ այնպես, ինչպես Դուք պատրաստում եք, իսկ Դուք այնպես եք պատրաստում, ինչպես ես երգում եմ։ Խղճացեք Ձեզ լսողներին»,- գրել է Լեւինան։

Հրապարակման մեկնաբանություններում իսկական քննարկում է սկսվել։ Պարզվում է՝ Չումակովը երկրպագուին հենց այնպես չի պատասխանել։ «Ժաննա, Ձեզ մի բան կասեմ՝ ես եղել եմ, կամ եւ կլինեմ Գարիկի կինը։ Ինչպես գրում էր դասականը. «Մենք կարող ենք զրկվել ամենից, սակայն ոչ ոք չի խլի մեր երազանքները («Ուրավականների որոնելիս», հեղինակ Ա. Չումակով)։ Հ.Գ. Եվ ես երբեք չեմ ների քո տոլման։ Այն, իսկապես, չափազանզ համեղ է...»։

Իսկ Մարտիրոսյանին վախեցրել է, թե որտեղից իր կինը գիտի Չումակովի խոհարարական կարողությունների մասին։ «Անհանգստացնող է ոչ թե այն, որ Ալեքսեյն իրեն իմ կինն է համարում։ Անհանգստացնող է, որ դու, Ժաննա, գիտես՝ ինչպես է պատրաստում Չումակովը»։

Լուսանկարները՝ 7 дней, Legion-media