Հեռուստահաղորդավարուհի Քսենիա Բորոդինայի երեխաները մեծանում են գրեթե առանց արգելքի։ «Դոմ 2» իրապատում շոուի աստղը պատմել է, որ նրանց չի արգելում մթերք օգտագործել, որը շատ ծնողներ վնասակար են համարում։
Քսենիան կիսվել է երեքամյա դստեր՝ Տեոնայի լուսանկարով։ Փոքրիկը երշիկ է ուտում։ Աստղը խոսել է երեխաների սննդի վերաբերյալ իր տեսակետի մասին։ «Իսկ դուք երեխաներին թույլ տալի՞ս եք երշիկ ու նրբերշիկ ուտել։ Ես՝ այո։ Կոնֆետներ եւս։ Իհարկե, ամեն ինչ չափի մեջ է լավ, բայց այո»,- գրել է Բորոդինան։
Քսենիան չի հասկանում՝ ինչու են շատ ծնողներ երեխաներին արգելում քաղցր օգտագործել։ Հեռուստահաղորդավարուհին պատմել է, որ խանությում հաճախ է լսում՝ ինչպես են երեխաները նրբերշիկ ուզում, սակայն մայրիկները հայտարարում են, որ ընտանիքում դա չեն ուտում։ «Միանգամից սկսում եմ խղճալ երեխաներին։ Ի՞նչ մանկություն առանց նրբերշիկի եւ կոնֆետների։ Մեկ անգամ եւս կրկնեմ՝ հնարավոր է դա օգտակար ուտելիք չէ, բայց երբեմն կարելի է։ Իսկ հետո երեխաները մեծանում են եւ ինչ թույլ չեք տվել, սկսում են լրացնել, իսկ հետո մենք զարմանում ենք, թե ինչու է ճարպակալում առաջանում»,- կարծում է աստղը։
Երկրպագուներն աջակցել են Քսենիայի դիրքորոշմանը։ «Հիմա շատերը նույնիսկ մանկություն չունեն։ Ամենուր կարծրատիպեր են, եւ ամեն ինչ հավասարվում է ինստամայրկներին», «Երբեմն կարելի է։ Մեր մանկության տարիներին ամենահամեղ կարտոֆիլի խյուսն էր նրբերշիկով կամ հավի տապակած մսով», «Կյանքը երկար է, դեռ անձամբ կհասցնեն հրաժարվել ամեն ինչից։ Քանի դեռ փոքր են, հարկավոր է զվարճանալ ու վայելել»,- գրում են երկրպագուները։ Իհարկե, հայտնվել նաեւ մայրիկներ, որոնք երեխաների սննդակարգում այդ մթերքի առկայությունն անընդունելի են համարում։