Հայ հայտնի դերասանի դուստրը երրորդ անգամ հեղինակավոր Emmy մրցանակի է արժանացել
17:05 17 հունիսի, 2019Հայ դերասան եւ ռեժիսոր Արթուր Էլբակյանը հայտնել է, որ դուստրը՝ պրոդյուսեր եւ լրագրող Անուշը, երրորդ անգամ արժանացել է ամերիկյան հեռուստաարտադրության բարձրագույն մրցանակի՝ «Emmy Award»։
«Շտապեմ կիսվել ուրախալի լուրով: Նախադեպ չունեցող փաստ: Անուշ Էլբակյանը 3-րդ անգամ արժանացավ Ամերիկյան ազգային հեռուստատեսային ակադեմիայի «Էմմի»` Emmy Award բարձրագույն մրցանակին»,- հայտնել է հայ դերասանը։
Անուշ Էլբակյանն ամերիկյան «Boston Globe»-ի լրագրող է ու պրոդյուսեր։ Նախկինում նա մասնակցել է «Boston Globe» մարաթոնին ահաբեկչական հարձակումների լուսաբանման վերաբերյալ եւ իր թիմի հետ Պուլիտցերյան մրցանակի արժանացել։
2016թ.-ին նա արժանացել է «Էմմի» մրցանակի «Մի օր Լեոյի կյանքից» («A Day in Life of Leo») ֆիլմի համար։ Էլբակյանը արժանացել է նաեւ Online Journalism Award համացանցային լրագրության ասոցիացիայի մրցանակի՝ որպես հրատապ նորությունների լավագույն տեսաբան։