Լավ նորություն. Արմեն Ջիգարխանյանը չի տանջվում, ողջ-առողջ է եւ նույնիսկ նոր հագուստ է կրում (ֆոտո)

Ժողովրդական արտիստ Արմեն Ջիգարխանյանի վերաբերյալ լավ նորությունները վերջին շրջանում այնքան էլ շատ չեն. նա հաճախ հայտնվում է հիվանդանոցում, եւ շատերն անհանգստանում են, որ 83-ամյա դերասանի վիճակը վատ է։ Սակայն Արմեն Բորիսովիչն անսպասելիորեն զարմացրել է բոլորին՝ ներկայանալով առողջ, թարմ տեսքով, ինչպես նաեւ նորաձեւ հագուստով։

Ջիգարխանյանի ընկերը՝ Արթուր Սողոմոնյանը, որն արտիստի եւ Վիտալինա Ցիմբալյուկ-Ռոմանովսկայայի բաժանումից հետո իր վրա է վերցրել նրա մասին հոգ տանելու պարտականությունը, Facebook-ի պաշտոնական խմբում կիսվել է դերասանի նոր լուսանկարով։ Կադրում դերասանը բավական ուրախ ու երիտասարդացած տեսք ունի եւ առհասարակ նման չէ խենթ ծերունու։ Սողոմոնյանը նշել է, որ ընկերն իրեն լավ է զգում եւ շատ ժամանակ է հատկացնում առողջությանը։ Նրա խոսքով՝ Արմեն Բորիսովիչը միտումնավոր չի շփվում լրագրողների հետ՝ մինչ այժմ անհանգստանալով երիտասարդ կնոջից բաժանվելու շուրջ բարձրացած աղմուկից։

Ջիգարխանյանի ընկերը նշել, է, որ Վիտալինայի հետ կապված պատմությունը դերասանի համար անցյալում է, եւ նա այն չի քննարկում։ Սակայն ժողովրդական արտիտսի շրջապատում ուշադրությամբ հետեւում են Ցիմբալյուկ-Ռոմանովսկայայի դեմ քրեական գործին, որը, թեեւ դանդաղ, բայց առաջ է շարժվում։ «Զարմանալի է, որ մարդը, որն այդքան անպատկառ եւ հրապարակային կերպով կողոպտել է ամբողջ երկրում հարգված մարդու, մինչ այժմ պատշաճ պատիժ չի կրել։ Նույնիսկ դատարանի վճռով սահմանված տուգանքը նա հրաժարվում է վճարել, ստիպված են լինում դիմել դատական պրիստավի»,- նշում է նա։

Հիշեցնենք՝ Արմեն Ջիգարխանյանը եւ Վիտալինա Ցիմբալյուկ-Ռոմանովսկայան սկանդալով բաժանվել են 2017թ.-ի աշնանը։ Դերասանն այդ ժամանակ կնոջը մեղադրել է այն բանում, որ վերջինս գողացել է իր մոսկովյան բնակարանը եւ պատկառելի գումար հաշիվներից։