«Շոկի մեջ եմ». Բարի Ալիբասովի որդին մնացել է առանց ժառանգության

Պրոդյուսեր Բարի Ալիբասովի որդին՝ նրա անվանակիցը, շոկի մեջ է ժառանգության վերաբերյալ հոր հայտարարությունից, հայտնում է «Մոսկվան է խոսում» ռադիոընկերությունը։ Պրոդյուսերի խոսքերը նրան վախեցնում են ոչ ադեկվատ լինելու պատճառով։ Նա ենթադրել է, որ հոր մոտ կա՛մ մթագնում է նկատվում, կա՛մ ինչ-որ մեկը նրան ոչ ստույգ տեղեկատվություն է տրամադրում, քանի դեռ նա դեղորայքի ազդեցության տակ է։

«Ինքս շոկի մեջ եմ։ Առաջին հերթին այն պատճառով, որ դա արդեն բոլորովին զառանցանք չէ։ Խոսքի գրեթե 80 տոկոսը իմաստավոր է, տրամաբանական, իսկ 20 տոկոսը՝ անհասկանալի... Աղբ է... որ նա գործուղումից է վերադարձել, որ ես փորձում եմ խլել իր բնակարանը եւ այլն։ Ես կարծում եմ, որ սեդացիայից հետո նրա գլխում իրավիճակը խառնվել է, որը նա փորձում է լուծել Շուշկինների ընտանիքում, եւ հիվանդանոցից հետո նրան թվում է, թե մեր ընտանիքում կարող էր նույնպիսի պատմություն լինել բնակարանի առնչությամբ»,- ասել է Ալիբասով կրտսերը։

Նա նաեւ նշել է, որ իրեն չի հետաքրքրում հոր ժառանգւությունը, քանի որ դեռ 14 տարեկանում իր անվամբ ձեւակերպվել է անշարժ գույքի կեսը։ «Ես միայն հինգ տարի առաջ եմ իմացել այն մասին, որ մեծ քանակով անշարժ գույք ունեմ։ Թեեւ հայրս կյանքում ինձ օգնել է իր խորհուրդներով, ես նրանից երբեք գումար չեմ վերցրել, սակայն իր խորհուրդներով նա ինձ օգնել է ավելի մեծ ունեցվածք աշխատել, քան նրա ամբողջ անշարժ գույքը միասն վերցրած»,- հավելել է Ալիբասովի որդին։

Ավելի վաղ՝ հունիսի 20-ին, պրոդյուսերը որոշել էր որդուն զրկել ժառանգությունից։ «Թող վաստակի։ Ես նրան երեկ ասել եմ, որ զրկում եմ ամբողջ ժառանգությունից։ Կտամ կենդանիներին ապաստանում»,- հայտարարել է «На-На» խմբի հիմնադիրը։

Բարի Ալիբասովին ներքին օրգանների այրվածքներով հոսպիտալացրել են այն բանից հետո, երբ նա պատահականորեն խողովակների մաքրման համար նախատեսված միջոց է խմել։ Հունիսի 17-ին նրան դուրս են գրել հիվանդանոցից։