Բրազիլական «Կլոն» սերիալի Ժադին կիսվել է նիհարելու գաղտնիքներով
15:13 23 հունիսի, 2019Բրազիլացի դերասանուհի, ֆոտոմոդել եւ հեռուստահաղորդավարուհi, 43-ամյա Ջովաննե Անտոնելին, որը հայտնի է դարձել «Կլոն» սերիալի շնորհիվ, կիսվել է գաղտնիքով՝ ինչպես նիհարել 40 տարեկանից հետո։
2010թ.-ին աստղի մարմինը լավագույն վիճակում չէր։ Նա երկվորյակների էր լույս աշխարհ բերել եւ հղիության ընթացքում գիրացել էր 20 կիլոգրամով։ Դերասանուհին փորձել է նիհարել, սակայն քաշից դժվարությամբ էր ազատվում, հայտնում է «7days» պորտալը։
View this post on Instagram
Բրազիլուհուն օգնել է բավական խիստ սննդակարգը, որում ներառված էին միայն հավի խաշած միս, չռաֆինացված ձավարեղեն, արքայախնձոր եւ բանջարեղեն։ Նա իրեն արգելել է կարտոֆիլ, ալյուրից պատրաստված ցանկացած բան ուտել եւ սկսել է սպորտով զբաղվել։
Այժմ դերասանուհին հիանալի կազմվածք ունի։ Նա այսպիսի սննդակարգի հետեւում է ամսվա ընթացքում մեկ շաբաթ, իսկ մյուս օրերին հետեւում է հավասարակշռված սննդակարգի սկզբունքին։
Instagram-ի էջում դերասանուհին տեսանյութ է հրապարակել մարզման ընթացքից։ Կադրերում երեւում է՝ ինչպես է Ջովաննեն կարդիո եւ ուժային վարժություններ անում, ինչը հնարավորություն է տալիս ձիգ մարմին ունենալ եւ լի լինել էներգիայով, ինչպիսին էր Ժադին հայտնի սերիալում 18 տարի առաջ։