«Մեկնում ենք, խորովածը սառչում է». Ռուսաստանում հայտնի հայերը գալիս են Երեւան ու հրավիրում զբոսաշրջիկներին

12:45   27 հունիսի, 2019

Հայտնի հայերը, որոնք բնակվում են Ռուսաստանում, որոշել են մեկնել Երեւան, միեւնույն ժամանակ հրավիրել ռուս զբոսաշրջիկներին։ Սրտառուչ ու գեղեցիկ է ստացվել, ինչն, ի դեպ, զարմանալի չէ։ Պրոմո-հոլովակի պրոդյուսերը «Գազպրոմ մեդիա ժամանցային հեռուստատեսության» գլխավոր տնօրեն Արթուր Ջանիբեկյանն է։ Գրեթե ամեն բան, որը թողարկվում է այդ «ապրանքանիշի» ներքո, առանձնանում է որակով, չափի ու ոճի զգացմամբ։ Առավել եւս երբ խոսքը պատմական հայրենիքի մասին է, որի համար Ջանիբեկյանն այդքան բան է արել։

Ինչ վերաբերում է նոր հոլովակին, դրա նկարահանմանը մասնակցել են Գարիկ Մարտիրոսյանը, նրա կոլեգաներ Միխայիլ Գալուստյանը, Արարատ Քեշյանը, Նատալյա Եփրիկյանը, Քրիստինա Սին, Տիգրան Քեոսայանը, Նոբել Առուստամյանը, Տատյանա Գեւորգյանը, Արթուր Չիլինգարովը, Յանա Եգորյանը եւ իհարկե, Արմեն Ջիգարխանյանը, որը հոլովակի ավարտին նկատում է. «Հայաստանում աստղերն ավելի մոտ են»։

Հայաստանի բնությունը եւ տեսարժան վայրերը պատկերող կադրերն ուղեկցվում են հայտնի հայերի մեկնաբանություններով։ 

Посмотреть эту публикацию в Instagram

Публикация от Егорян Яна (@egorianiana)

Յուրօրինակ ֆլեշմոբը սկսել է Միխայիլ Գալուստյանը, որը ռուս երկրպագուներին խոստացել է հանդիպել Երեւանում։ «Դեպի իմ պատմական հայրենիք։ Այնտեղ կհանդիպենք»,- Instagram-յան հրապարակումը մեկնաբանել է Միխայիլ Գալուստյանը։

Միանգամից արձագանքել է շոումեն Գարիկ Մարտիրոսյանը, որը նրան է դիմել խնդրանքով. «Ամառ։ Արեւ։ Հայաստան։ Հանդիպում ենք այնտեղ, սիրելի Միշա Գալուստյան։ Քեզ հետ տար Ժորիկ Վարտանովին։ (Ես չեմ խնդրում, իմ ծանոթներից մեկը՝ Ռուդիկն է շատ խնդրում)»։

Картинки по запросу в армении звезды ближе

Իսկ Ժաննա Լեւինան խորհուրդ է տալիս Հայաստան մեկնել, բայց շտապել։ «Պարզ ասած՝ ձեզ արդեն սպասում են, իսկ արդյոք լա՞վ է տիպել սպասել։ Ոչ։ Այդ պատճառով հավաքում ենք ճամպրուկները, գնում տոմսերը եւ մեկնում, թե չէ խորովածը սառչում է»,- գրել է Գարիկ Մարտիրոսյանի կինը։  

Օլիմպիական չեմպիոն Յանա Եգորյանը եւս պատմել է Հայաստանում հանգստի առավելությունների մասին։ «Դուք գիտե՞ք, որ Հայաստան մեկնելու համար ձեզ ոչ մուտքի արտոնագիր, ոչ արտասահմանյան անձնագիր հարկավոր չէ։ Եվ բոլորը հասկանում են ռուսերեն։ Հայերը ձեզ միշտ կհասկանան։ Իսկ դուք այս ամռանը պատրաստվո՞ւմ եք Հայաստան մեկնել։ Հնարավոր է՝ այնտեղ կհանդիպենք»,- նշել է Եգորյանը։



© NEWS.am STYLE