KYLIE-ն ընդդեմ KYLIE-ի. Քայլի Մինոուգը KYLIE կոսմետիկա է թողարկել Քայլի Ջենների հետքերով
10:11 28 հունիսի, 2019Դեռ հինգ տարի առաջ Քայլի Մինոուգը դատական հայց է ներկայացրել Քայլի Ջենների դեմ, երբ վերջինս որոշել էր գրանցել KYLIE ապրանքանիշը։
Մինոուգը հանդես էր գալիս կազմակերպության ստեղծման դեմ. նրա կարծիքով՝ դա կարող էր խանգարել իր սեփական իմիջին, քանի որ հենց ինքն է Քայլի անունով հայտնի դարձել դեռ 80-ականներին։ Ավստրալացի աստղը դատարանում հաղթել է, սակայն նրա հակառակորդն դա չի խանգարել ստեղծել Kylie Cosmetics հավաքածուն։ Դրա վաճառքի շնորհիվ նա դարձել է պատմության ընթացքում ամենաերիտասարդ միլիարդատերը։
Մինոոգը որոշել է վերականգնել մրցակցությունը եւ կոսմետիկայի իր հավաքածուն է թողարկել նույն անվան ներքո... Երգչուհին հայտարարել է երեք միջոցի թողարկման մասին՝ յուղեր, շրթներիկ եւ փայլ շուրթերի համար, որոնք նրա պաշտոնական կայքում արդեն իսկ վաճառքի են հանվել։
Երբ Kylie անվան համար պայքարի պատմությունը նոր էր սկսվում, Մինոուգի անձնական կյանքում լավագույն ժամանակները չէին. երգչուհին ամուսնության նախօրեին չեղյալ էր հայտարարել նշանադրությունը փեսացուի՝ Ջոշուա Սասի հետ՝ իմանալով նրա անհավատարմության մասին։ Դրանից հետո լրատվամիջոցներում երկար ժամանակ պտտվում էին նրա դավաճանությունների մասին մանրամասները. պարզվել է՝ ծանոթությունը եւ դրան հաջորդած նշանադրությունը նախաձեռնվել էին նրա կողմից՝ կարիերայում առաջընթաց գրանցելու համար։ Այժմ այդ ամենն անցյալում է, եւ Մինոուգը վայելում է իր նոր հարաբերությունները։ Մեկ տարուց ավելի է ՝ նա հանդիպում է GQ-ի 44-ամյա ստեղծագործական տնօրեն Փոլ Սոլոմոնի հետ։ The Daily Mirror-ի տված նոր հարցազրույցում 51-ամյա երգչուհին խոստովանել է, որ երբեք այնքան երջանիկ չի եղել, որքան հիմա։
Աղբյուրը եւ լուսանկարները՝ Hello Magazine, Getty Images, Instagram