Մեգան Մարքլին կասկածում են բուժման ոչ ստանդարտ միջոցի օգտագործման մեջ

Սասեքսի դքսուհուն կասկածում են նրանում, որ նա փորձում է ծննդաբերությունից հետո վերականգնվել թանկարժեք քարերի օգնությամբ, հայտնում է Daily Mail-ը։

Լրագրողներն ուշադրություն են հրավիրել, որ վերջին շրջանում Մեգան Մարքլը հանրությանը ներկայանում է փիրուզե զարդերով։ Հանգստյան օրերին նա լոնդոնյան բեյսբոլային հանդիպմանը ներկայացել էր փիրուզե ականջօղերով, որդու՝ Արչիի լույս աշխարհ գալուց հետո առաջին հարցազրույցի ընթացքում՝ այդ քարով զարդարված վզնոցով։

Թանկարժեք քարերի փորձագետ եւ գրող Հիզեր Ասկինոիզը ենթադրում է, որ Սասեքսի դքսուհին կրում է այս քարը՝ ծննդաբերությունից հետո վերկանգնման գործընթացն արագացնելու համար։ «Այս հրաշալի թանկարժեք քարը հարկավոր է կրել, երբ ցանկանում եք կենտրոնանալ առողջության վրա։ Փիրուզն իդեալական քար է նորաթուխ մայրերի համար, այն նրանց օրհնություն է տալիս»,- բացատրել է նա։ Մասնագետը նաեւ նշել է, որ հենց փիրուզն է նպաստում շուտափույթ բուժմանը եւ վերականգնմանը հիվանդություններից հետո։

Ավելի վաղ՝ հունիսին, օգտատերերը հիացել էին Սասեքսի դքսուհու արտաքինով։ Նրանք զարմացել էին, որ Մարքլն իդեալական վիճակի է վերադարձել ծննդաբերությունից երկու ամիս անց։ «Ինձ բացատրեք՝ ինչպես Արչիի 37-ամյա մայրը 22 տարեկանի տեսք ունի»,- Instagram-ում թագավորական ընտանիքի էջում հրապարակված լուսանկարի մեկնաբանություններում զարմացել էր օգտատերերից մեկը։ «Մեգանն, իսկապես, գեղեցիկ է ու երջանիկ տեսք ունի։ Ես չեմ կարողանում պատկերացնել, որ հնարավոր է այդքան լավ տեսք ունենալ եւ հանրությանը ներկայանալ ծննդաբերությունից երկու ամիս անց»,- գրել էր մեկ այլ օգտատեր։ 

Մայիսի 6-ին լույս աշխարհ է եկել արքայազն Հարրիի եւ Մեգան Մարքլի առաջնեկը։ Երեխային տվել են Արչի Հարիսոն Մանունթբաթեն-Վինձոր անունը։

Լուսանկարները՝ RA, TimRooke/REX/Shutterstock, Chris Jackson/Getty Images, Instagram