Ինչպիսի՞ հաճելի մականուն է ստացել Մեգան Մարքլը սկեսրոջից
22:11 5 հուլիսի, 201970-ամյա արքայազն Չարլզը սիրում է իր հարսներին, ինչպես հարազատ դստրերի։ Եղիզաբեթ II թագուհու որդին արագ է լեզու գտել Մեգան Մարքլի հետ, ով ունի բավականին բարդ բնավորություն։ Չարլզը նվերների առումով ժլատ չէ։ Նա Մեգանին նվիրել է արքայադուստր Դիանայի զարդերի հավաքածուից հազվագյուտ զարդեր։
Ոչ ոքի համար գաղտնիք չէ, որ դքսուհին սկանդալային փառք ունի աշխատակազմի շրջանում։ Նրան համարում են չափից շատ պահանջկոտ եւ կամակոր։ ԶԼՄ-ներում նա հայտնի է պալատի սպասարկող անձնակազմի աղմկոտ հեռացումներով։
Սակայն արքայազն Չարլզը որդու կնոջ համար հաճելի մականուն է մտածել։ Պալատի գաղտնիքը բացահայտել է թագավորական թղթակից Ռասսել Մեյերսը։ Նա հայտարարել է, որ բրիտանական գահի առաջին ժառանգը համակրում է հարսին։
«Նանց միջեւ իրականում ամուր կապ է ստեղծվել։ Նա նույնիսկ հարսի համար մականուն ունի դրած։ Չարլզը հարսին վոլֆրամ է անվանում, քանզի Մեգանը կանացի եւ անկոտրում է», - պատմել է Մայերսը։
Ռասսելը նշել է, որ ժամանակաշրջանը, երբ Մեգանը նոր էր հայտնվել թագավորական ընտանիքում, շատ բարդ էր։ Բրիտանական մամուլի կողմից «հարձակումները», որոնք միանգամից չսիրեցին ամերիկացի դերասանուհուն, միայն բարդեցնում էին իրավիճակը։ Սակայն Մեգանը կարողացավ հաղթահարել դա։
«Դա փոքր-ինչ տարօրինակ է, սակայն ես կարծում եմ, որ արքայազն Չարլզն իսկապես հարգում է նրան։ Նա կարծում է, որ Մեգանին հաջողվեց հաղթահարել ճնշումը։ Չարլզի անցյալում նույնպես լրատվամիջոցների կողմից նեգատիվ է եղել, ինչի պատճառով վերջինս ստիպված է եղել բազմաթիվ ճգնաժամեր ունենալ։ Այդ իսկ պատճառով նա փորձում է Մեգանին ստիպել հարմարվել թագավորական ընտանիքի կյանքի փոփոխություններին», - փորձագետի խոսքերը փոխանցում է Daily Express-ը։