Ինչ արժե Black Star-ը լքելը

18:59   11 հուլիսի, 2019

Հիփ-հոփ կատարող Լեւան Գորոզիան, որը հանդես է գալիս L'One կեղծանվամբ, պատմել է՝ ինչպես է երկու տարի առաջ փորձել հեռանալ Black Star-ից։ Լքելով ապրանքանիշը՝ Լեւանն իմացել է, որ համաձայն պայմանագրի՝ ամենն, ինչ նա այս տարիների ընթացքում գրել է, պատկանում է Թիմաթիի ընկերությանը։ Այժմ L'One-ը ցանկանում է դատարանի միջոցով պաշտպանել կոմպոզիցիաների նկատմամբ իրավունքը։

Картинки по запросу леван горозия

«Հեռանալու որոշումը վաղուց էր հասունացել։ Սակայն այս տարի լրացել է պայմանագրի ժամկետը, եւ ես որոշեցի չերկարացնել այն։ Ես ինքս եմ գրում իմ երգերը, ինքս եմ գտնում երաժիշտներին, ընկերություն եմ անում շատ ռեժիսորների հետ, որոնք ինձ համար տեսահոլովակ են նկարահանում, ամբողջությամբ մշակում եմ յուրաքանչյուր ալբոմի առաջխացում։ Այսինքն՝ ինքնուրույն գեներացնում եմ ստեղծագործությունն իմ թիմի հետ։ Գոյություն ունի ապրանքանիշ, որը ներկայացնում է իր ծառայությունները հանրայնացման, առաջխաղացման, PR-ի առումով, ինչի համար արտիստից ստանում է իր գումարը։ Բայց ես վաղուց անցել եմ շրջանը, որի ընթացքում օգնություն է հարկավոր։ Ես մոտավորապես հասկանում եմ՝ ինչպես եմ ցանկանում շարժվել։ Օրինակ՝ ամբողջ տարի չշրջել հյուրախաղերով, այլ դա անել միայն գարնանն ու աշնանշ. այդքանը բավարար կլներ։ Ես 34 տարեկան եմ, ես վստահ եմ իմ ուժերին, ես բազմաթիվ ստեղծագործղ ընկերներ ունեմ, որոնք պատրաստ են ինչ-որ նոր բան անել։ Այդ պատճառով ես չեմ երկարացրել պայմանագիրը»,- լրագրողներին հայտել է ռեփերը։

Լեւան Գորոզիան նույնիսկ գումար է առաջարկել Թիմաթիի ընկերությանը, բանակցություններն ընթացել են մի քանի ամիս։ «Նրանք պայմաններ են աջարկել, ես եմ առաջարկել։ Արդյունքում նրանց տարբերակը ինձ չի գոհացրել։ Նրանք առաջարկել են թույլատրել կատարել իմ իսկ երգերը, որոնք կարող են վերցնել ցանկացած պահի։ Բայց միշտ քայլել ու վարանել տարօրինակ է, հատկապես եթե այդ երգերը ինքնդ ես գրել, եւ ես հրաժարվեցի»,- նշել է արտիստը։

Սոցիալական ցանցում L'One-ը հայտարարել է, որ գրված երգերը կատարելու թույլտվությամբ ապրանքանիշից հետառանալն արժեր 170 մլն ռուբլի մոտ երկու տարի առաջ։ «Մինչեւ վերջին պահը ես չեմ ցանկանցել ամեն ինչ հանրային դարձնել։ Բայց երբ գումար ես առաջարկում սեփական երգերի համար, իսկ դրանք քեզ չեն վաճառում, նույնիսկ գումար չեն անվանում, տարօրինակ է»,- պատմել է L'One-ը։



© NEWS.am STYLE