55-ամյա Մայք Ֆլեյսին մեղադրում են 31-ամյա կնոջ՝ Լորա Ֆլեյսի նկատմամբ հարձակման եւ ծեծի ենթարկելու մեջ։ Ագրեսիայի պոռթկման պատճառ է դարձել այն, որ պրոդյուսերի հղի կինը հրաժարվել է հղիության արհեստական ընդհատում կատարել։
Պարզվել է, որ Մայքը մի քանի շաբաթ սպառնացել է կնոջը՝ պնդելով, որ վերջինս հղիության արհեստական ընդհատման դիմի։ Երբ պրոդյուսերը բացասկան պատասխան է ստացել, ծեծի է ենթարկել Լորային։ Աստղային ընտանիքում սկանդալը տեղի է ունեցել դեռ հուլիսին 4-ին, երբ նրանք հանգստանում էին Հավայան կղզիներում, սակայն դրա մասին հայտնի է դարձել միայն այժմ։
«Նա ամեն օր պահանջում էր, որ ես հղիության արհեստական ընդհատման դիմեմ։ Երբ մենք ամուսնացանք, ես 26 տարեկան էի, նա՝ 50։ Նա երեխաներ չուներ եւ որոշել է, որ մի ժառանգորդը բավական է։ Սակայն ես հղիացա երկրորդ անգամ, եւ իսկական մղձավանջ սկսվեց»,- խոստովանել է Լորան։
Զույգն ամուսնացած է հինգ տարի եւ չորսամյա որդի ունի՝ Բենը։ Երեխան հոր դաժան վերաբերմունքի վկան է դարձել։ «Երբ Մայքը հարձակվեց ինձ վրա, հարեւան սենյակում մեր որդին էր գտնվում։ Նա ամեն ինչ լսել է եւ վազելով եկել աղմուկի պատճառով»,- տուժողի խոսքերը մեջբերում է Variety-ն։
Նրանք ծանոթացել են, երբ Կաեպելերն արժանացել է «Միս Ամերիկա 2012» տիտղոսին։ Այդ տարի Մայքը գեղեցկության մրցույթի ժյուրիի կազմում էր։ Նոր ծանոթանալով հաղթողի հետ՝ նա ժամադրության էր հրավիրել նրան։ Հանուն մոդելի հետ հարաբերությունների նա բաժանվել է առաջին կնոջից, որի հետ ամուսնացած էր 24 տարի։