Բարձր պոչ եւ վառ կերպարներ․ Արիանա Գրանդեն նկարահանվել է Givenchy-ի գովազդում
22:13 17 հուլիսի, 2019Երաժշտական բեմի ամերիկացի աստղը ոչ միայն համերգներով շրջագայում է աշխարհով, այլեւ նկարահանվում է հայտնի ամսագրերի շապիկների եւ նորաձեւության հայտնի ապրանքանիշերի գովազդներում։ Այս անգամ երգչուհին դարձել է Givenchy նորաձեւության տան գովազդային դեմքը։
Նոր գովազդում Արիանան նկարահանվել է իր ֆիրմային, բարձր պոչով եւ աշուն-ձմեռ հավաքածուով։ 26-ամյա երգչուհին ներկայացել է ոճային հանդերձանքով, փքված զգեստներով եւ երկար պիջակներով, հայտնում է Vogue Ukraine-ը։
Կերպարներից մեկում Գրանդեն գովզդել է նաեւ Givenchy ապրանքանիշի Eden պայուսակը, որն արդեն անվանվել է աքսեսուարների աշխարհի հիթերից մեկը։ Շպարն ինչպես միշտ արտահայտիչ է, որը բնութագրում է իրեն․ երկար, սեւ սլաքներ, խիտ թարթիչներ եւ պաստելային երանգի շրթներկ։ Մատների սպիտակ լաքն ու կաշիկները լրացրել են կերպարը։
Լուսանկարները՝ Vogue.ua