«Հարի Փոթեր» եւ ոչ միայն. Դենիել Ռեդքլիֆը նշում է 30-ամյակը
18:04 23 հուլիսի, 2019Բրիտանացի հայտնի դերասան, «Հարի Փոթեր» ֆիլմի գլխավոր դերակատար Դենիել Ռեդքլիֆն այսօր՝ հուլիսի 23-ին, նշում է ծննդյան 30-ամյակը:
Ռեդքլիֆի դերասանական կարիերան սկսվել է «Դեւիդ Կոպերֆիլդ» ֆիլմից, սակայն հանրության շրջանում ճանաչումը դերասանին ժպտաց, երբ նա հանդես եկավ փոքրիկ, բայց խելացի կախարդ Հարի Փոթերի դերում: Շատերը Դենիելին շարունակում են ասոցացնել համանուն ֆիլմում իր լեգենդար կերպարի հետ, սակայն դերասանը վաղուց արդեն մեծացել է, եւ հասցրել այլ կերպարներում էլ հանդես գալ:
2010 թ-ին Դենիելը խոստովանել է, որ ալկոհոլային կախվածություն է ունեցել, սակայն այն կարողացել է հաղթահարել: Դերասանը նաեւ հայտնել է, որ աթեիստ է եւ հպարտանում է իր հրեական արմատներով:
Ինչ վերաբերում է Ռեդքլիֆի անձնական կյանքին, որոշ շշուկների համաձայն՝ 2012 թ-ին նա հանդիպում էր ռեժիսոր Ռոզի Քոքերի օգնականի հետ: 2014 թ-ին լուրեր տարածվեցին նրանց նշանադրության վերաբերյալ, սակայն աղջկա հայրը ժխտեց դրանք:
Եթե դեռ չեք հասցրել բացահայտել Ռեդքլիֆի մասնակցությամբ այլ ֆիլմեր, բացի «Հարի Փոթերից» եւ շարունակում եք նրան կոչել հայտնի հերոսի անունով, հատուկ ձեզ համար առանձնացրել ենք 5 ֆիլմ, որոնք կօգնեն դերասանին ճանաչել նորովի:
«Ջունգլի»/Jungle
«Սպանիր քո սիրելիներին»/Kill Your Darlings
«Կոտոշներ»/Horns
«Սեւազգեստ կինը»/The Woman in Black
«Ի՞նչ, եթե»/The F Word/What if?
Լուսանկարը՝ The Times