«Միսս Արմենիա 2017» Լիլի Սարգսյանի եթերային կերպարը
20:03 25 հուլիսի, 2019«Միսս Արմենիա 2017» տիտղոսակիր Լիլի Սարգսյանը նոր լուսանկար է հրապարակել՝ ներկայացնելով իր եթերային կերպարը։
Instagram-յան էջում հրապարակված լուսանկարում մոդելը գեղեցիկ, երկար զգեստ է կրում, մեղմ դիմահարդարմամբ է, իսկ մեկնաբանություններում գրել է. «Հավատա՛, խոսում ենք աշխարհում գոյություն ունեցող ամեն երեւույթից, բացի Ուժեղ կնոջից, իսկ նա անցնում է բոլոր ճանապարհներով, հա՛, անցնում է ու չի վախենում, որովհետեւ շարունակում է Հավատալ։ Գոնե մեկ օր քո մտքով անցե՞լ է նրան հարցնել, թե ինչպես է կարողանում ժպտալ, իսկ դա միայն նրան է հաջողվում հրաշալի ձեւով անել։ Ոչ ոք երբեք չի կարող գուշակել, որ աշխարհին ժպտացողն ու բոլորին անխտիր օգնողն ամենաշատն է զգում մտերիմ հոգու կարիք։ Երբեք ոչ ոք չի կարող պատկերացնել, թե ինչպես է ամենահոգսառատ դեմքը հանկարծ ամենաուրախ արտաքինը կրում...
Ու հենց այդ Ուժեղն է միշտ բախվում անարդարության, բայց գիտես այդ Ուժեղը չի վախենում մարդկային շատախոս լեզվից, որովհետեւ շարունակ զրուցում է Աստծո հետ եւ վստահ է, որ հատուցումը երբեք չի ուշանում։ Այդ Ուժեղը միշտ լավատես է, որովհետեւ հասկանում է՝ մինչդեռ շատերն են հագուստի վրա ժամեր ծախսում, նա պարզապես կարողանում է դեմքի լիարժեք արտահայտությամբ հաղթել։ Ուժեղի կյանքի գլխավոր նպատակն ինքն իր հետ ազնիվ լինելն է, ոչ թե դատարկ մարդկանց սիրելին դառնալը...»։
Ավելի վաղ նա ներկայացել էր շքեղ կերպարում։ Լիլին կրում էր սեւ, համարակ բացվածքով, երեկոյան զգեստով։ Վարսերը գեղեցիկ հարդարված էին, նա վառ դիմահարդարում էր ընտրել։