Ծագումով Գյումրիից երգչուհի Զառան մայրիկին երգ է նվիրել մայրենի լեզվով (վիդեո)

16:55   26 հուլիսի, 2019

Երգչուհի Զառան այսօր նշում է ծննդյան օրը. նա դառնում է 36 տարեկան։ Այդ առիթով աստղը երկրպագուների համար անակնկալ է պատաստել՝ նոր երգ՝ «Dayê» եւ դրա հիման վրա նկարահանված տեսահոլովակ։

Քրդերենից թարգմանաբար՝ «Dayê» նշանակում է մայրիկ։ Արտիստը խոստովանել է, որ մայրենի լեզվով այս երգի միջոցով ինքը ցանկացել է շնորհակալություն հայտնել իր կյանքի գլխավոր մարդուն սիրո, հասկանալու, աջակցության համար, որը զգում ես հարյուրավոր կիլոմետրից եւ տարբեր ժամային գոտիներում։

Զառան վստահ է՝ հենց այդպիսի կոմպոզիցաներն են մեզանից յուրաքանչյուրին հնարավորություն տալիս ասել այն, ինչ կա մեր սրտում։ Ցավոք, որքան մեծանում ենք, այնքան քիչ ենք ասում՝ որքան եք իրականում սիրում մեր մայրիկներին։ Այս երգը հատկապես թանկ է արտիստի համար, քանի որ գրված է մայրենի քրդերենով։

Զառան տեսահոլովակում ներկայանում է մի քանի կերպարներով։ Առաջինը ազատության ոգին է։ Նա գնում է իր ճանապարհով, փնտրում իրեն։ Երկրորդ կերպարը դիմակով է՝ ուժ, կանացի էներգիա, սեքսուալություն։ Երրորդն էթնիկական է։ Վառ, գեղեցիկ հագուստ, որում նա մարմնավորում է իր բնույթը, ազգային պատկանելությունն ու մշակույթը։

Հետաքրքրական է, որ «Dayê» երգի վրա մեծ, ինտերնացիոնալ թիմ է աշխատել։ Երաշտության հեղինակը համաշխարհային անուն ունեցող արտիստ է՝ Իսրայելից երգչուհի Յասմին Լեւին, բառերի հեղինակը քուրդ հայտնի կատարող, Թուրքիայում բնակվող Թարա Մամեդովան է, իսկ գործիքավորման վրա աշխատել են Հայաստանի լավագույն սաունդ-պրոդյուսերները՝ Կարեն Համբարձումյանն ու Սեւակ Մելքոնյանը։



© NEWS.am STYLE