Չի կրկնի եղբոր ճակատագիրը. արքայազն Հարրին շոկի է ենթարկել երեխաների մասին հայտարարությամբ
12:57 31 հուլիսի, 2019«Vogue» ամսագրի սեպտեմբերյան համարի՝ «Փոփոխությունների ուժը», վաճառքում հայտնվելուց հետո այն հավակնում է դառնալ ամսագրի ամենահայտնի համարը. դրա հրավիրված խմբագիրն է դարձել Մեգան Մարքլը։ Այս համարի ստեղծմանն առնչություն է ունեցել նաեւ արքայազն Հարրին, որը որոշել է օգնել կնոջը։ Սասեքսքի դուսքը բացառիկ հարցազրույց է վարել հայտնի պրիմատոլոգ, մարդաբան Ջեյն Գուդոլի հետ, հայտնում է The Telegraph-ը։
Եղիսաբեթ Երկրորդ թագուհու 34-ամյա թոռը հարցազրույցի ընթացքում հայտարարել է, որ ինք ու իր կինը՝ Մեգան Մարքլը, որոշել են սահամանափակվել միայն երկու երեխա ունենալով։ Այլ կերպ ասած՝ բացի Արչիից՝ զույգը ծրագրում է եւս մեկին լույս աշխարհ բերել եւ ոչ ավելին։
«Առավելագույնը երկու երեխա։ Կարծես թե մարդիկ այս մոլորակի վրա միակ տեսակն են, որը կարծում է, թե ամբողջ աշխարհը միայն իրեն է պատկանում։ Սակայն ես միշտ մտածել եմ այն մասին, որ մենք այստեղ ընդամենը հյուրեր ենք։ Եվ, իհարկե, մենք պետք է հոգ տանենք, որ ինչ-որ լավ բան թողնենք այս մոլորակի վրա հաջորդ սերնդի համար։ Մեզանից յուրաքանչյուրի համար կարեւոր է դա հասկանալ»,- հայտարարել է արքայազն Հարրին։
Նա հավելել է, որ հայրության առնչությամբ տարբերվող հայացքներ ունի եղբորից՝ Ուիլյամից։ Հայտնի չէ՝ կոնկրետ ինչ է նկատի ունեցել Սասեքսի դուքսը, իսկ թագավորական ընտանիքի երկրպագուները սպասում են, որ ամսագիրը հայտնվի խանութներում, որտեղ կարող է լինել այդ հարցի պատասխանը։
