Օգոստոսի պրեմիերաները. արժե գնալ կինոթատրոն

«Ֆորսաժ. Հոբս եւ Շոու»

«Ֆորսաժ» ֆրանշիզի վերջին մասերը մեզ նվիրեց Դուեյն Ջոնսոնի եւ Ջեյսոն Սթեթհեմի կերպարների երկյակը։ Կինոդիտողներին նրանք այնքան դուր եկան, որ ստուդիան որոշեց նկարահանել սփին-օֆ այդ հերոսների մասին։

Ամերիկյան էլիտար հատուկ գործակալ Լյուք Հոբսը սիրում է հարմարավետ մարզահագուստ, մեծ պիկապներ եւ առողջ սնունդ։ Դեկարդ Շոուն բրիտանացի պիժոն է, հետախուզության նախկին աշխատակից, գերադասում է թանկարժեք բաճկոններ, մարզական մեքենաներ եւ երկարոտն գեղեցկուհիներին։

Այս երկուսն ատում են միմյանց։ Բայց եթե ինչ-որ մեկը սպառնա նրանց ընտանիքներին, նրանք պատրաստ են դիմել ամեն ինչի։ Անգամ թիմով աշխատելուն։

Պրեմիերան օգոստոսի 1-ին է։

«Մի անգամ... Հոլիվուդում»

Պարզապես մի քանի անուններ՝ Քվենթին Տարանտինո, Լեոնարդո դի Կապրիո, Բրեդ Փիթ եւ Մարգո Ռոբի։

Ֆիլմը պատմում է Հոլիվուդում 1969-ին՝ նրա «ոսկե դարի» մայրամուտին տեղի ունեցած իրադարձությունների մասին։ Հայտնի դերասան Ռիք Դալթոնը եւ նրան կրկնօրինակող Քլիֆ Բութը փորձում են գտնել իրենց տեղը կինոարդյունաբերության սրընթաց փոփոխվող աշխարհում։

Էկրաններին կլինի օգոստոսի 8-ից։

«Գումարած մեկ»

Ամառը հարսանիքների ժամանակ է։ Երդվյալ ամուրի Բենը եւ նրա ընկերուհին՝ Էլիսը, որը նոր է բաժանվել ընկերոջից, հրավիրվել են միանգամից տասը հարսանիքի։ Գումարած մեկը չփնտրելու համար նրանք որոշում են սիրահարված զույգ ձեւանալ։ Կհաջողվի՞ արդյոք նրանց դիմանալ շուրջը տիրող սեքսի մագիային եւ ընկերներ մնալ։

Դիտեք կինոթատրոններում օգոստոսի 8-ից։

«Angry Birds 2-ն կինոյում»

Թռչուններն իմանում են սոված կանաչ խոզերի գոյության մասին, ինչից հետո սրբազան պատերազմ է սկսվում, որը տեւում է երկար տարիներ։ Բայց հիմա հորիզոնում հայտնվում է նոր թշնամի՝ Զետան, որը երրորդ՝ սառած կղզու բնակչուհի է։ Նա կարծում է, որ բոլորը պետք է իրենց վրա զգան ցրտի ուժը, եւ սկսում է գրոհը տաք երկրներում ապրող հեռավոր ազգականների վրա։ Այժմ թռչունները եւ խոզերը պետք է միավորվեն՝ սառցակալումը կանգնեցնելու համար։

Էկրաններին կլինի օգոստոսի 15-ից։

«Հրեշտակի անկումը»

ԱՄՆ նախագահի հերոս թիկնապահի մասին պատմող երրորդ ֆիլմն է։

ԱՄՆ նախագահի դեմ մահափորձ է կատարվում, գլխավոր մեղադրյալը պետության ղեկավարի հավատարիմ պահապան հրեշտակ եւ գաղտնի ծառայության գործակալ Մայք Բենինգն է։ Թաքնվելով ՀԴԲ-ից՝ նա պետք է գտնի նրանց, ովքեր «քաշել» են իրեն, եւ փրկի երկիրն ու նրա նախագահին մահացու սպառնալիքից։

Պրեմիերան օգոստոսի 22-ին է։

Հաճելի կինոդիտում

Նորայր Նազարյան