Լոս Անջելեսում գտնվող Մեգան Մարքլի բնակարանը վաճառքի է հանվել. գինն էականորեն աճել է
20:14 6 օգոստոսի, 2019ԱՄՆ-ում գտնվող բնակարանը, որում ապրել է ապաքա դքսուհի Մեգան Մարքլը, կարող է ձեռք բերել յուրաքանչյուրը, ով պատրաստ է դրա համար գրեթե 2 մլն դոլար վճարել։
Հոլիվուդում կարիերայի ընթացքում Մեգան Մարքլն ապրել է Լոս Անջելեսում գտնվող շքեղ բնակարանում։ Այն գտնվում է Հենքոք զբոսայգուց եւ Հոլիվուդի կենտրոնից ոչ հեռու։ 2011-2013թթ. նա բնակարանը կիսել է առաջին ամուսնու՝ պրոդյուսեր Թրեւոր Էնգելսոնի հետ:
Այժմ հնարավորություն կա ոչ միայն դիտելու՝ ինչ տեսք ուներ Մեգան Մարքլի բնակարանը, նախքան նրա՝ արքայազն Հարրիի ընտրյալը դառնալը, այլեւ անհրաժեշտության դեպքում գնել այն։
Ամուսնալուծությունից հետո Մեգանը տեղափոխվել է Կանադա, ուր մի քանի տարի զբաղված է եղել «Ֆորս մաժորներ» սերիալի նկարահանումներով։ Լոսանջելեսյան անշարժ գույքը նրան այլեւս պետք չի եղել։ Դրանից հետո շենքի նոր տերը եւս որոշել է վաճառել այն։ 2017թ.-ին այն գնել են 953 289 ֆունտով։
Առանձնատունը 4 ննջասենյակ ունի, 3 լոգասենյակ, բուխարիով եւ մաքուր օդին ընթրիքի հարմարավետ տարածքով հյուրասնյակով։ Բնակարանի դիզայնը դասական ոճում է՝ վառ նկարներով ու դեկորի տարրերով։
Աղբյուրը՝ Elle