Դենի Տրեխոն օգնել է փրկել ԱՄՆ-ում վթարի ենթարկված մեքենայում գտնվող երեխային
18:39 8 օգոստոսի, 2019Մեքսիկացի դերասական Դենի Տրեխոն օգնել է ավտոմեքենայից փրկել երեխային, որը վթարի է ենթարկվել, հայտնում է CNN-ը։
Դերասանը մտել է շրջված ամենագնացն ու փորձել արձակել անվտանգության գոտին, որը պահում էր երեխայի նստարանը, սակայն նրան չի հաջողվել դա անել։ Ի վերջո գոտին կարողացել է արձակել միջադեպի մեկ այլ ականատես, որը մեքենայի սրահ է մտել հակառակ կողմից։
Ավելի ուշ Տրեխոն պարզաբանել է, որ երեխան ողջ է մնացել միայն մանկական նստարանի շնորհիվ։ «Ինձ հետ ցանկացած լավ բան տեղի է ունենում մյուսներին օգնելու արդյունքում»,- հավելել է դերասանը։
Հայտնի է, որ վթարից հետո տուժածներից երեքը (այդ թվում երեխան) հետազոտվելու համար տեղափոխվել են հիվանդանոց։ Միջադեպի մասնակիցները թեթեւ վնասվածքներ են ստացել, այժմ նրանց կյանքին վտանգ չի սպառնում։
Դենի Տրեխոն հայտնի է դարձել ռեժիսոր Ռոբերտ Ռոդրիգեսի ֆիլմերի շնորհիվ, այդ թվում «Մայրամուտից մինչեւ արեւածագ», «Լրտեսների երեխաները», «Մաչետե»։ Կարիերայի ընթացքում նա ավելի քան 200 դեր է կատարել, որոնց շնորհիվ խարիզմատիկ չարագործի ամպլուա է ձեւավորվել։