Ռեփերը Դրեյքը գերազանցել է The Beatles-ի երեք ռեկորդ եւ զայրացրել ռոքի սիրահարներին

Կանադացի ռեփեր Դրեյքը գերազանցել է The ​​Beatles խմբի երեք ռեկրորդ, հայտնում է Rolling Stone-ը։

Հիփ-հոփ կատարողի յոթ երգ միաժամանակ հայտնվել է Billboard-ի թոփ 100-ում այն դեպքում, երբ լիվերպուլյան խմբի ռեկորդը կազմում է հինգ կոմպոզիացիա։ Բացի այդ՝ երաժիշտի 12 սինգլ հայտնվել է թոփ 10-ում՝ Beatles-ից առաջ անցնելով մեկով։ 2019թ.-ին արտիստը ռոք երաժիշտներից առաջ է անցել նաեւ սինգլների քանակով, որոնք թոփ տասնյակում զբաղեցնում էին երկրորդ տեղը, գրում է Lenta.ru-ն։

Դրեյքը որոշել է դաջվածք անել ի պատիվ իր նվաճումների՝ The ​​Beatles-ի՝ փողոցում քայլող մասնակիցների պատկերով։ Պատկերը կրկնում է «Abby Road» ալբոմի շապիկի լուսանկարը մի տարբերությամբ. Դրեյքը երաժիշտների առջեւում է եւ նրանց ձեռքով է անում։

Drake has a tattoo of himself in front of the Beatles on his arm. “I got more slaps than the Beatles...” pic.twitter.com/krzzFSF2Mj

— Word On Road (@WordOnRd) 9 августа 2019 г.

Օգտատերերին զայրացրել է ռեփերի նոր դաջվածքը։ Նրանք վերջինիս մեղադրել են նարցիսիզմի մեջ, ինչպես նաեւ պնդել, որ The ​​Beatles-ը շատ ավելի տաղանդավոր է։ «Նարցիստական դաջվածք։ Եթե մարդիկ 50 տարի անց հիշեն Դրեյքի երգերը, մենք հաճույքով ետ կվերցնենք մեր խոսքերը»,- մեկնաբանություններում գրել է TransistorBand օգատատերը։ «Հեշտ է մտածել, որ նա ավելի կարեւոր է The Beatles-ից, երբ նույնիսկ սեփական երգերը չի գրում։ Այո՛, The Beatles-ի երգերը ձեզ կարող են դուր չգալ, բայց դուք չեք կարող ասել, թե նրանք պատմության համար ավելի քիչ բան են արել, քան մշակված ձայնով եւ թվային բիթերով ռեփերը»,- համաձայնել է martyblazeit420 օգտատերը։

Լուսանկարը՝ Getty Images