Քարդի Բիի կուրծքը կարող էր փրկել «Տիտանիկը», իսկ Նաոմի Քեմփբելը կարող էր խորտակվել (ֆոտո)

Հայտնի ռեփեր Քարդի Բին հայտնի է իր բնականությամբ եւ լավ, երբեմն չափազանց սուր հումորի զգացմամբ։ Ընդ որում, այդ երկու հատկությունները նրանում հաջողությամբ համադրվում են, իսկ նրա գրեթե բոլոր «մերկ» լուսանկարներն ուղեկցվում են զվարճալի գրառմամբ։

Իր նոր հրապարակման մեջ աստղը պատկերված է գրիմի սենյակում. Նա թափանցիկ տոպ է կրում եւ վառ վարդագույն սպորտային տաբատ։ Քարդի Բին աֆրիկյան հյուսքերով է, կրում է ոսկե ականջօղեր եւ ամուսնական մատանի։

Այս, նվազագույնն էպատաժային լուսանկարը երգչուհին ուղեկցել է մեծ կրծքի մասին անսպասելի մեկնաբանությամբ։ «Ես չեմ կարողանում լողալ։ Այնպես որ, ես դրանք այնքան մեծ եմ դարձրել, որ ջրի երես դուրս գամ»,- գրել է Քարդի Բին։

Երկրպագուները գնահատել են երգչուհու հումորն ու անկեղծությունը։ «Շնորհակալություն, որ չես ստում պլաստիկ վիրահատությունների վերաբերյալ», «Որտե՞ղ էիր, երբ «Տիտանիկը» խորտակվում էր։ Թանկագինս, դու կարող էիր փրկել ամբողջ նավը», «Բայց չէ որ էկոլոգները զգուշացնում են, որ ջրում արդեն իսկ շատ է «պլաստիկը»»,- կատակել են նրանք։ Հետեւորդներին միացել է նաեւ Քարդիի աստղային ընկերուհին՝ սուպերմոդել Նաոմի Քեմփբելը։ «Սեւ հովազը» եւս կատակել է կազմվածքի մասին։ «Հասկանում եմ քեզ։ Իսկ ես նույնիսկ ջրի երես չեմ կարող դուրս գալ»,- նշել է պոդիումների աստղը։ Քեմփբելն ակնհայտորեն համեստություն է անում…

Հիշեցնենք՝ գարնանը՝ հերթական պլաստիկ վիրահատությունից հետո, Քարդիի մոտ բարդություններ են առաջացել։ Ռեփ կատարողն այդ ժամանակ դիմել էր լիպոսակցիայի եւ ավելի մեծացրել կուրծքը։ Նշենք նաեւ, որ վերջերս նա թողարկել է հերթական պրովոկացիոն  տեսահոլովակը, որը նկարահանվել է «Press» երգի հիման վրա։ Դրանում երգչուհին գրեթե մերկ է նկարահանվել։ Ռետուշի շնորհիվ պատկերն ընդունելի տեսք ունի, սակայն ամեն դեպքում ցնցում է։ Ընդ որում, ոչ պակաս, քան նրա նախորդ, «Money» տեսահոլովակը։

Բացի այդ՝ Քարդի Բին նկարահանվել է մերկապարուհիների մասին պատմող «Hustlers» ֆիլմում, որում մարմնավորել է իր կերպարը. նա կարիերան սկսել է հենց գիշերային ակումբում պարուհու աշխատանքից։ Բացի այդ՝ նա հաճախորդներին թմրամիջոցներ է տվել, ապա՝ կողոպտել։ Ինչպես նոր ֆիլմում…