Ջիգարխանյանի ընկերը հերքել է արտիստի առողջական վիճակի մասին տեղեկությունները

10:11   16 օգոստոսի, 2019

Դերասան Արմեն Ջիգարխանյանի ընկերը՝ Արթուր Սողոմոնյանը, հստակեցրել է արտիստի առողջության հետ կապված տեղեկությունները։

«ՌԻԱ Նովոստի»-ի հետ զրույցում նա ասել է, որ Ջիգարխանյանը վիրահատության չի ենթարկվել, եւ դերասանին դուրս կգրեն հանգստյան օրերին կամ օգոստոսի 19-ին։ «Պրոֆիլակտիկայի համար նրան կաթիլային են միացնում։ Ոչ մի վիրահատություն չի եղել։ Վիճակը նորմալ է, հաջորդ շաբաթ ծրագրում է թատրոն գալ»,- հայտարարել է նա։ Սողոմոնյանը տարակուսած է, թե ով ու ինչու է այդպիսի կեղտոտ տեղեկություններ տարածում։ Նա հավաստիացնում է, որ դերասանն իրեն հրաշալի է զգում։ «Նա լավ տրամադրություն ունի եւ անհամբերությամբ սպասում է՝ երբ դուրս կգրեն։ Երկուշաբթի օրը Արմեն Բորիսովիչը նորմալ կլինի։ Դա վերջին ժամկետն է»,- ընդգծել է Արթուրը։

Օգոստոսի 14-ին հայտնի է դարձել, որ Ջիգարխանյանը հայտնվել է հիվանդանոցնում, իսկ ավելի վաղ լրատվամիջոցները հայտնել են, որ Արմեն Ջիգարխանյանը վիրահատվել է։

Ջիգարխանյանի առողջական վիճակը կտրուկ վատացել է ուկրաինացի դաշնակահար Վիտալինա Ցիմբալյուկ-Ռոմանովսկայայից սկանդալային բաժանումից հետո, որը ոչ միայն լրջորեն ազդել է տարեց դերասանի նյարդերի վրա, այլեւ  յուրացրել նրա ֆիննանսական միջոցներն ու բնակարանը։ Այժմ Ցիմբալյուկը նոր սիրեկան ունի՝ երգիչ Պրոխոր Շալյապինը, որը սիրում է տարիքով մեծ կանանց։

Այժմ նա գթաշարժ մեկնաբանություններ է անում նրա մասին, իբրեւ Ջիգարխաննյանի նկատմամբ լավ հոգ չեն տանում եւսաստիկ վշտանում, թե նրա առողջական վիճակն այնքան էլ լավ չէ։  

«Ես վստահ եմ, որ եթե մենք հանդիպեինք, Արմեն Բորիսովիչն ինձ չէր ճանաչի։ Ավելի ճիշտ, չէր կարողանա նշել իմ ազգանունը, անունն ու հայրանունը։ Ընդ որում, ոչ միայն իմը. հիշողության հետ կապված խնդիրներն առաջացել են դեռ իմ շրջանում, թեւ այդ ժամանակ մենք կարողանում էինք դա թաքցնել։ Չգւտեմ՝ ինչ են նրա հետ անում այդպես կոչված ընկերները, սակայն նա կտրուկ թուլացել է, ընդ որում, ուղեղում, ինչպես ես հասկանում եմ, ցավոք, տեղի են ունենում արդեն անդառնալի փոփոխություններ»,- Dni.ru-ի հետ զրույցում ասել էր նա։



© NEWS.am STYLE