«Սարսափելի է հիշել». Թիմաթիի մայրը պատմել է՝ ինչպես են դպրոցական հասակում իրեն ստիպել արհեստականորեն ընդհատել հղիությունը
19:46 28 օգոստոսի, 2019Ռեփեր Թիմաթիի մայրը վաղուց է համացանցի աստղ դարձել։ Սիմոնա Յունուսովան պատմում է թոռան՝ Ալիսայի դաստիարակության մասին, որը ծնվել է երաժիշտի եւ նրա նախկին սիրելիի՝ Ալյոնա Շիշկովայի հարաբերությունների ընթացքում։ Երբեմն նա նաեւ անձնական պատմություններ է ներկայացնում։
Նա նկարագրել է իրավիճակը, երբ 16 տարեկանում հայտնվել է գինեկոլոգի մոտ։ Հիվանդասենյակում պարզվել է, որ Սիմոնան հղի է։ Մինչ այդ նա մտերմություն է ունեցել սիրելիի հետ։ Նա հասկանում էր, որ վաղուց է իրեն վատ զգում, սակայն չէր համարձակվում բժշկի դիմել։
«Բժիշկն ուշադիր նայեց ինձ ու հրավիրեց աթոռի մոտ։ Ապա նա սկսեց հարցեր հնչեցնել, որոնց նշանակությունը ես չէի հասկանում։ Ինձ հետ քսան րոպե տանջվելով՝ նա հոգնած հարցրեց՝ արդյոք մենք հաճախ ենք միասին եղել։ Ես պատասխանեցի. «Մեկ անգամ»։ Բժիշկը շունչ քաշեց ու հնչեցրեց դատավճիռը՝ հղիություն եւ արդեն ոչ վաղ շրջանում։ Նա ասաց, որ պարտավոր է այդ մասին հայտնել դպրոցին եւ լաց եղավ, ինչն ինձ ավելի վախեցրեց։ Մեկ օր անց ես պետք է գնայի մայրիկիս հետ՝ որոշելու համար՝ ինչպես վարվել»,- պատմել է Սիմոնան։
70-ականներին այդքան վաղ հղի լինելն իսկական խայտառակություն էր։ Նա ամեն ինչ հայտնել է մորն ու միայն մի բան աղաչել՝ չպատմել հորը, քանի որ շատ էր վախենում կորցնել նրա վստահությունը։ Սակայն մայրը չի պահպանել գաղտնիքը, եւ ընտանեկան ժողովի ընթացքում որոշում է կայացվել նրան հղիության արհեստական ընդհատման ուղարկել։
«Մայրս պարզապես ասաց, որ ես պետք է մտածեմ՝ ինչպես ավարտել դպրոցը...»,- եզրափակել է Սիմոնա Յունուսովան՝ հավելելով, որ նախկինի նման սարսափելի է մտածել այդ մասին։