«Դու պիտի ճախրես». Արա Գեւորգյանը հանդես կգա համերգով
19:39 29 օգոստոսի, 201918 տարվա դադարից հետո ՀՀ վաստակավոր արտիստ Արա Գեւորգյանն ու Հայաստանի ազգային ֆիլհարմոնիկ նվագախումբը՝ դիրիժոր Էդուարդ Թոփչյանի ղեկավարությամբ, ելույթ կունենան «Դու պիտի ճախրես» խորագիրը կրող համերգով։ Այն տեղի կունենա սեպտեմբերի 7-ին՝ ժամը 19։00-ին, Կարեն Դեմիրճյանի անվան մարզահամերգային համալիրում:
Տարին նաեւ հոբելյանական է. լրանում է Արա Գեւորգյանի ստեղծագործական բազմաբովանդակալի ուղղու 40 տարին: «Ոչ մի անգամ Հայաստանում փողով համերգ չեմ տվել եւ չեմ վճարվել ոչ մի միջոցառման համար: Դա իմ անձնական ցանկությունն է եղել: Այս անգամ նույնպես, համերգի ամբողջ հասույթը նվիրվելու է հիվանդ երեխաներին: Կոչ եմ անում բոլորին կանգնել իմ կողքին»,- կարեւորում է Արա Գեւորգյանը։
Համերգին կմասնակցեն նաեւ անվանի հյուրեր:
«Դու պիտի ճախրես» համերգը բարեգործական է: Ողջ հասույթը տրամադրվելու է «Ժպիտների քաղաք» հիմնադրամին, որն աջակցում է կազմակերպել քաղցկեղով հիվանդ երեխաների եւ երիտասարդների որակյալ բուժումը Հայաստանում։