«Хлопну бургер за Собянина». Թիմաթին Youtube-ից ջնջել է բոլորի կողմից ատելի տեսանյութը

14:59   10 սեպտեմբերի, 2019

Ռեփերներ Թիմաթիի եւ Գուֆի տեսահոլովակը, որը նկարահանվել է «Մոսկվա» երգի հիման վրա եւ հրապարակվել քաղաքի օրն ու ռեկորդային քանակով դիսլայք հավաքել ռուսական YouTube-ում, անհասանելի է դարձել։ 

Բացասական ալիք էին բարձրացրել Յունուսովի խոսքերը, որ նա «արմատներով մոսկվացի է», որը «չի գնում միտինգների եւ անհեթեթություններ չի ասում»։ Հոլովակի մեկնաբանություններում երաժիշտին մեղադրել են ծախսված լինելու մեջ։

«Չափազանց շատ աղմուկ է բարձրացել։ Ռեկորդ է սահմանել։ Միայն թե այդպիսի նպատակ չի եղել։ Անձնական կարծիքս բավական սուր ձեւով արտահայտելն իմ ոճն է։ Այդ քանակով մարդկանց զայրացնելու համար հարկավոր է ջանք գործադրել։ Բայց բոլորովին դա չէի ցանկանում։ Չեմ ցանկանում առանց առիթի շարունակել նյարդայնացնել մարդկանց, առանց ինձ էլ բոլորը բավական խնդիրներ ունեն։ Ինձ դա հարկավոր չէ, այդ պատճառով, հարգելի ընկերներ, ջնջում եմ այդ տեսահոլովակը՝ բացասականի այս ալիքը չշարունակելու համար։ Որեւէ մեկին վիրավորելու ցանկություն չի եղել»,- գրել է երաժիշտը։

Գիշերը Գուֆը տեսաուղերձ է հղել, որում երկրպագուներից ներողություն է խնդրել եւ հայտարարել, որ իրեն նախագիծ ներքաշել են խաբեությամբ, քանի որ ինքը նույնիսկ չի իմացել, որ Մոսկվայում ընտրություններ են սպասվում։

«Ես դրանից ոչ մի կոպեկ չեմ ստացել, երդվում եմ։ Չգիտեմ՝ Թիմաթին ինչ-որ բան ստացել է, թե ոչ։ Ես ոչ մի ապացույց չունեմ։ Եթե ինչ-որ բան ունենայի, բերանս փակ կնստեի եւ կսպեի, երբ աղմուկը հանդարտվեր եւ կծախսեի աշխատածս միլիոնները։ Ինձ խաբել են։ Թվում է, թե ինչ-որ մեկն ինձ ստիպել է կարդալ Սոբյանինի մասին։ Այդպես չէ։ Այս անգամ ես ներողություն եմ խնդրում ձեզանից։ Ես պարզապես տեղյակ չեմ, ապրում եմ, վայելում այս օրը։ Այդ պատճառով հաջորդ անգամ կհետաքրքրվեմ մարդկանցից, ովքեր դրանից հասկանում են»,- ասել է նա։

Լուսանկարները՝ Getty images



© NEWS.am STYLE