Ջեյմի Սփիրսը դստեր խնամակալության իրավունքները հանձնել է երգչուհու վաղեմի օգնական Ջոդի Մոնտգոմերին։ Նման որոշման նա ստիպված է գնացել՝ ելնելով առողջական վիճակից, չնայած կարող է իր ազդեցությունն ունենալ նաեւ երգչուհու երեխաների հետ կապված սկանդալը։
Վերջերս Բրիթնին բողոքել է նախկին ամուսնուն՝ Քեւին Ֆեդերլայնին, թե հայրը դաժանաբար է վարվել 13-ամյա որդու՝ Շոնի հետ։ Այս առիթով ոստիկանությունը տղամարդուն արգելել է շփում ունենալ թոռների հետ։
Դատական գործերի համաձայն, Ջոդի Մոնտգոմերին իրավունք է ստացել, որով իրավունք ունի շփվել երգչուհուն բուժող բժշկի եւ բժշկական մնացած աշխատակազմի հետ, որոնք կապ ունեն փոփ աստղի հետ։ Բացի այդ, նա կարող է սահմանափակել Բրիթնիի այցելուներին եւ պետք է հետեւի նրա անվտանգությանը։
Սակայն աղբյուրները վստահ են, որ Բրիթնի Սփիրսի կյանքում ոչինչ չի փոխվի, քանի որ TMZ-ում նշվում է, որ «Ջեյմին ամեն դեպքում կշարունակի Բրիթնիի մասին վերջին տեղեկությունները ստանալ եւ կհետեւի, որ նա ապահովված լինի իրենից օգուտ քաղել ցանկացողներից»։
Լուսանկարները՝ Instagram/Gettyimages.ru