Հայտնի հեռուստաաստղ եւ մոդել Քլոե Քարդաշյանի ամերիկացի երկրպագուները վիրավորված են։ Սեպտեմբերի 11-ի ահաբեկչության օրը Twitter-ի էջում Քարդաշյան-Ջեններ կլանի ներկայացուցիչը հայրենասիրական հրապարակում է արել։ Ճիշտ է, հայկական։
«Հպարտ եմ, որ հայ եմ», գրել է Քոլեն՝ հայկական դրոշի տեսքով էմոջի օգտագործելով։ Հետեւորդները կարծել են, որ հրապարակումն առհասարակ թեմայի մեջ չէր, առավել եւս այն դեպքում, որ նա ահաբեկչության մասին ոչինչ չի գրել։
«Ես ուրախ եմ ձեզ համար, բայց կարո՞ղ եք ավելի զգայուն լինել այն փաստի նկատմամբ, որ այսօր սեպտեմբերի 11-ի ահաբեկչության օրն է։ Որքան անտարբեր եք դուք եւ ձեր ընտանիքը։ Նախ Քայլին է բողոքում, որ դժվար է հարուստ լինել, իսկ հիմա սա»,- գրել են հետեւորդները։
Ավելի վաղ Մելանյա Թրամփն ամերիկացիներին վիրավորել էր նրանով, որ 2001թ.-ի սեպտեմբերի 11-ին մահացածների հիշատակին նվիրված միջոցառումների ընթացքում վերարկու էր կրում, որն ակնարկում էր երկնաքերի պայթյունը։