Փերիս Հիլթոնն այցելել է Քիմ Քարդաշյանի եւ կանադացի մոդել Վիննի Հարլոուի KKW Beauty համատեղ կոսմետիկայի շնորհանդեսին։ Հավաքածուն ներառում է հայլայթեր, երեք երանգով շուրթերի համար փայլ եւ փայլուն ու անփայլ ստվերաներկեր, գրում է Daily Mail-ը։
Երեկույթի համար Հիլթոնը ընտրել էր արծաթափայլ, խորը դեկոլտեով զգեստ, որը մեջքի եւ որովայնի հատվածում եւս բացվածք ուներ։ Նրա կերպարն ամբողջացրել են քարերով ականջօղերը, փոքրիկ, սեւ պայուսակը։
Ճիշտ է, անակնկալները շրջանցել չի ստացվել։ Երբ դերասանուհին մուտք է գործել միջոցառման սրահ զգեստը բացվել է եւ լուսանկարիչները հասցրել են նկարել նրա ներքնազգեստը։
Լուսանկարները՝ Getty Images, BlayzenPhotos/BACKGRID