Գիտեի՞ք․ «Սկիզբ»՝ 11 հետաքրքիր փաստ ֆիլմի մասին

20:04   15 սեպտեմբերի, 2019

NEWS.am STYLE-ը շարունակում է հայտնի տարբեր ֆիլմերի մասին հետաքրքիր փաստեր ներկայացնել։ Այսօր այդ ֆիլմը՝ «Սկիզբ»-ն է՝ 2010թ․-ին նկարահանված։ Եվ այսպես․

1-Լեոնարդո դի Կապրիոն Կոբի դերի առաջին եւ միակ թեկնածուն էր։

 2-Արիանդայի դերի համար քննարկվել են Քիրա Նայթլիի, Էմիլի Բլանթի, Էմմա Ռոբերթսի, Ջեսսի Շրեմի, Թեյլոր Սվիֆթի եւ Կերի Մալիգանի թեկնածությունները։

3-Ֆիլմի անվան նկարը, որը լաբիրինթի ոճի մեջ է, հիշեցնում է Քրիստոֆեր Նոլանի «Syncopy» ընկերության լոգոտիպը։

4-Ֆիլմի օրիգինալ անվանումը Inception էր (Արմատավորում)․ մտքերի գոյացման գործընթաց, որը տեղավորվում է ուրիշի ենթագիտակցության մեջ։

5-Ի սկզբանե Քրիստոֆեր Նոլանը «Бессонницы» ֆիլմի նկարահանումներից հետո Warner Bros. ընկերությանը ներկայացրել է ապագա ֆիլմի միտքը։ Ստուդիան նախագիծը հավանության է արժանացրել եւ Նոլանը կանաչ լույս է ստացել։ Սակայն այն ժամանակ սցենարը դեռ գրված չէր եւ այն միայն հեղինակի գլխում էր։ Քրիստոֆերը համարել է, որ իրեն ավելի դյուրին կլինի  գրռլ սցենարը՝ չկնքելով նախնական  պայմանագիրը, իսկ այնուհետեւ ներկայացնել այն ստուդիային։ Նրա խոսքերով, այն ժամանակ նա կարծում էր, որ սցենարը պատրաստ կլինի մի քանի ամսում․ նրան մնում էր միայն գլխից միտքը հանձնել թղթին։ Սակայն սցենարական աշխատանքները Նոլանից մոտավորապես ութ տարի պահանջեց։

6-Ֆիլմում նկարահանվել են Օսկարի հինգ նոմինանտ (Թոմ Բերենջեր, Լեոնարդո Դի Կապրիո, Փիթ Պոստլետուեյտ, Քեն Վատանաբե, Էլլեն Փեյջ) եւ երկու օսկարակի դերասան (Մայքլ Քեյն եւ Մարիոն Կոտիյար)։

7-Նկարահանման մի փուլում ստուդիան առաջարկել է ֆիլմը դարձնել 3D ձեւաչափով, սակայն Նոլանը մերժել է՝ ասելով, որ ձեւաչափը կշեղի իրական պատմությունից։

8-Արիադնան հին հունական դիցաբանության մեջ Մինոսի եւ Պասիֆայի դուստրն է։ Արիադնան օգնել է Տեսեին դուրս գալ Մինոտավրոսի լաբիրինթոսից, որտեղ բնակվում էր մինոտավր։

9-Entertainment Weekly-ին տված հարցազրույցում Նոլանը հայտարարել է, որ ֆիլմի հիմնական կերպարներն այս կամ այն կերպով կրկնում են մարդկանց մասնագիտությունները, որոնք զբաղված ենկինոարտադրության մեջ․ Քոբը ռեժիսոր է, Արթուրը՝ պրոդյուսեր, Արիադնան՝ նկարիչ-բեմադրող, Իմզը՝ դերասան, Սայտոն՝ կինոստուդիայի ղեկավար, Ֆիշերը՝ հանդիսատես։

10- Եթե կողք կողքի դնենք ֆիլմի գլխավոր հերոսների անվանատառեռը՝ Dom, Robert, Eames, Arthur/Ariadne, Mal, Sato, ապա կստացվի Dreams (երազներ) բառերը։

11- Չնայած ֆիլմի պաստառի վրա հիշատակվում է Մայքլ Քեյնը, սակայն էկրանին նա հայտնվում է ընդամենը 3 րոպե։

 

Նորայր Նազարյան



© NEWS.am STYLE