«Միսս Արմենիա 2017» տիտղոսակիր Լիլի Սարգսյանը՝ լողազգեստով
14:43 16 սեպտեմբերի, 2019«Միսս Արմենիա 2017» տիտղոսակիր Լիլի Սարգսյանը համացանցի ամենաակտիվ օգտատերերից է: Նա չի զլանում եւ իր հետեւորդների եւ ընկերների հետ կիսվում է իր առօրյան ներկայացնող լուսանկարներով եւ սելֆիներով: Որպես Հայաստանի տիտղոսակիր գեղեցկուհի՝ Լիլին բնականաբար մի շարք միջոցառումների է ներկա լինում, մասնակցում է տարբեր ֆոտոշարքերի եւ ներկայանում մեկը մյուսից տարբերվող կերպարներով:
Լիլի Սարգսյանն իր Instagram-ում նոր լուսանկար է հրապարակել, որում երկրպագու-հետեւորդներին ներկայացել է նոր կերպար։ Նա կրում է դեղին երանգի լողազգեստ, մեղմ շպարով է։ Մոդելի վրա կա մի ժապավեն, որի վրա գրված է․ «Miss Grand Armenia 2019»։ Հրապարակմանը կից գեղեցկուհին մեկնաբանություն չի թողել։
Ավելի վաղ հրապարակված լուսանկարում մոդելը գեղեցիկ, երկար զգեստ էր կրում, մեղմ դիմահարդարմամբ էր, իսկ մեկնաբանություններում գրել էր. «Հավատա՛, խոսում ենք աշխարհում գոյություն ունեցող ամեն երեւույթից, բացի Ուժեղ կնոջից, իսկ նա անցնում է բոլոր ճանապարհներով, հա՛, անցնում է ու չի վախենում, որովհետեւ շարունակում է Հավատալ։ Գոնե մեկ օր քո մտքով անցե՞լ է նրան հարցնել, թե ինչպես է կարողանում ժպտալ, իսկ դա միայն նրան է հաջողվում հրաշալի ձեւով անել։ Ոչ ոք երբեք չի կարող գուշակել, որ աշխարհին ժպտացողն ու բոլորին անխտիր օգնողն ամենաշատն է զգում մտերիմ հոգու կարիք։ Երբեք ոչ ոք չի կարող պատկերացնել, թե ինչպես է ամենահոգսառատ դեմքը հանկարծ ամենաուրախ արտաքինը կրում...
Ու հենց այդ Ուժեղն է միշտ բախվում անարդարության, բայց գիտես այդ Ուժեղը չի վախենում մարդկային շատախոս լեզվից, որովհետեւ շարունակ զրուցում է Աստծո հետ եւ վստահ է, որ հատուցումը երբեք չի ուշանում։ Այդ Ուժեղը միշտ լավատես է, որովհետեւ հասկանում է՝ մինչդեռ շատերն են հագուստի վրա ժամեր ծախսում, նա պարզապես կարողանում է դեմքի լիարժեք արտահայտությամբ հաղթել։ Ուժեղի կյանքի գլխավոր նպատակն ինքն իր հետ ազնիվ լինելն է, ոչ թե դատարկ մարդկանց սիրելին դառնալը...»։