Դեմնա Գվասալիան լքում է Vetements-ի ստեղծագործական տնօրենի պաշտոնը
16:11 16 սեպտեմբերի, 2019Ժամանակակից ամենալավ դիզայներներից մեկը՝ Դեմնա Գվասալիան, լքում է Vetements բրենդի ստեղծագործական տնօրենի պաշտոնը, որի համահիմնադիրն է արդեն 5 տարի։ Դիզայների եղբայրը՝ Գուրամ Գվասալիան մնում է Vetements-ի գլխավոր տնօրենի պաշտոնում։
«Vetements-ը միշտ եղել է ստեղծագործական մտքի աշխատակազմ։ Մենք կշարունակենք մեծացնել սահմանները՝ հետեւելով ապրանքանիշի սկզբունքներին։ Այն, ինչ անցած տարիների ընթացքում ստեղծել է Դեմնան համարվում է Vetements-ի պատմության հիմքը», - հայտնել է նա WWDի հետ հայտարարության մեջ։
Հայտնի է, որ դիզայները շարունակում է մնալ Balenciaga ապրանքանիշի ստեղծագործական տնօրենը։ Նոր հավաքածուի ցուցադրությունը տեղի կունենա Փարիզում՝ սեմտեմբերի 29-ին։
Այս ամառ Դեմնան խառնված էր Օլգա Բուզովայի հետ սկանդալում։ «Осторожно, Собчак!» շոուի թողարկումներից մեկի ժամանակ հաղորդավարուհին ակնարկել է, որ նորաձեւության տներից մեկը խնդրել է նրան այլեւս չկրել իրենց բրենդի հագուստ։ Բուզովան եզրակացրել է, որ խոսքը Balenciaga նորաձեւության տան ստեղծագործական տնօրեն Դեմնե Գվասալիայի մասին է։
Լուսանկարները՝ Ian Langsdon/EPA/Shutterstock