Քիմ Քարդաշյանը լուսանկարվեց եւ ինքնագրեր բաժանեց վաղ առավոտից իրեն սպասող երկրպագուներին (ֆոտո, վիդեո)
10:36 8 հոկտեմբերի, 2019Հայուհի Քիմ Քարդաշյանը մեծ իրարանցում է առաջացրել Երեւանում: Արդեն երկու օր է` հայկական ծագում ունեցող համաշխարհային աստղի հյուրանոցի մոտ երկրպագուների մեծ բանակ է հավաքվում:
Այս առավոտն էլ բացառություն չէր: Ժամը 08:00-ից Քիմին արդեն սպասում էին... Աստղը, սակայն, հուրանոցից դուրս եկավ մոտ երկու ժամ անց: Այս անգամ Քիմին չէին ուղեկցում քույրը` Քորթնի Քարդաշյանն ու երեխաները: Աշխարհահռչակ հայուհին լուսանկարվեց եւ ինքնագրեր բաժանեց երկրպագուներին:
Քիչ անց Քիմը ելույթ կունենա WCIT համաժողովի ընթացքում: Իր ելույթի համար Քարդաշյանը նախընտրել էր դասական ոճը` սպիտակ կոստյում, նյուդ ոճի դիմահարդարում:
Սյունե Առաքելյան
Լուսանկարները` Արսեն Սարգսյանի