Կոնստանտին Մելաձեն չի եկել աջակցելու Բրեժնեւային կոշիկի հավաքածուի դեբյուտային ցուցադրություն-վաճառքին
22:19 11 հոկտեմբերի, 2019Կոնստանտին Մելաձեն չի եկել աջակցելու կնոջը՝ Վերա Բրեժնեւային իտալական կոշիկի նոր հավաքածուի դեբյուտային ցուցադրության ժամանակ։ Ընտանիքում հնարավոր տարաձայնության եւ ամուսնալուծության լուրերի համատեքստում այս փաստը բազմաթիվ ասեկոսեների պատրվակ է դարձել, գրում է Teleprogramma.pro-ն։
Զույգի ուշադիր երկրպագուները շտապել են արդարացնել կոմպոզիտորին եւ նշել են, որ, ամենայն հավանականությամբ, նա պարզապես շատ է աշխատում։ Բացի այդ, երեկույթի ժամանակ նկատել են Վալերի Մելաձեի դստերը՝ Ինգային։ Նախօրեին երգչուհին եւ «ՎԻԱ Գրա»-ի նախկին մասնակիցը երեկույթ էր կազմակերպել ի պատիվ վաճառքի մեկնարկի։ Երգչուհին հրավիրել էր ընկերներին Aquazzura խանութ, որտեղ նրանք կարող էին հիանալ նորաձեւ կոշիկներով։
Ցուցադրությունն անցել է մեծ հաջողությամբ։ Վերան Instagram-ում հայտնել է, որ իտալական հանրահայտ Aquazzura ապրանքանիշի հիմնադիր Էդգարո Օզորիոյի հետ համատեղ նրանք ստեղծել են կապսուլային հավաքածու, այսինքն՝ կոշիկների եւ բոթիլյոնների ոչ մեծ շարք։
Երգչուհու խոսքով՝ Ապենինյան թերակղզուց սերած հանրահայտ մարդու համագործակցության առաջարկից հետո սկզբում նրանք շփվել են հեռակա, բայց հետո Բրեժնեւան մեկնել է նրա մոտ՝ Միլան։
«Մենք ծանոթացանք շոուռումում եւ անմիջապես սկսեցինք ստեղծագործել։ Մինչ այդ բրենդը հավաքածու էր ստեղծել Կլաուդիա Շիֆերի հետ, ուստի հաջորդ հավաքածուն անելը կրկնակի պատասխանատու էր։ Սկզբում մենք փնտրում էինք ձեւեր, կրունկներ, նյութեր, գույներ, հետո այդ ամենը Էդգարոն միավորեց էսքիզներում»,- ասել է նա՝ հավելելով, որ հավաքածուի արարման պրոցեսում շատ բաներ են համաձայնեցրել, ունեցել բազմաթիվ կասկածներ ու անգամ վեճեր։